11 Naýryz, 2020 Saıasat

Pýtın taǵynda 2036 jylǵa deıin otyrýy múmkin

Tústik prezıdenti taǵy zań ózgertýge kóshti. Dálirek aıtqanda, Reseı Memlekettik Dýmasy sońǵy úshinshi oqylymda Konstıtýsııaǵa engizilýge usynylǵan túzetýlerdi maquldady. Bundaı túzetýlerdiń arqasynda Pýtın aldaǵy saılaýlarda da el prezıdenti atanýy múmkin.

Foto: kommersant.ru

Bul týraly Qamshy.kz aqparat agenttigi  Reıter deregine súıene otyryp habarlaıdy.

Mundaı mańyzdy oqıǵa úshin Dýmanyń 383 depýtaty daýys bergen. Eń qyzyǵy, oǵan qarsy shyqqandar bolmaı, tek 43 adam ǵana qalys qaldy delingen.

Nátıjesinde, Memlekettik dýma Konstıtýsııaǵa túzetý týraly zańdy maquldap, qazirgi prezıdentti eki merzimge saılaný quqyǵyna ıe etken.

Sonymen birge, jańa zań jobasynda Konstıtýsııaǵa 200-deı túzetý engizý kózdelgen. Bul túzetýler arasynda Pýtınniń ótken-ketken prezıdenttik merzimderin esepten alyp tastaıtyn baptar da bar.

Iаǵnı, qazirgi memleket basshysy prezıdenttikke úmitker bolǵan jaǵdaıda onyń burynǵy prezıdenttik merzim kórsetkishi nólge teń bolmaq.

Al búgingi ýaqytqa deıingi qoldanystaǵy negizgi zań boıynsha prezıdent Pýtınniń kezekti alty jyldyq merzimi 2024 jyldan keıin aıaqtalýǵa tıis bolatyn.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir