11 Naýryz, 2020 NEWS

Qazaqstanda koronavırýs boıynsha 3974 adam baqylaýda tur

Foto:Facebook

QR Densaýlyq saqtaý mınıstrligi Qazaqstandaǵy koronavırýs boıynsha epıdemıologııalyq jaǵdaı týraly sońǵy derekterdi usyndy.

QHR men shekaralas memleketterden kelgen azamattarǵa monıtorıng jalǵasýda.

4650 adamǵa monıtorıng júrgizildi, onyń ishinde 1 «a» sanaty boıynsha – 1217, 1 «b» sanaty boıynsha – 189, 2 sanat boıynsha – 3244 adam medısınalyq baqylaýda boldy.

Barlyǵy 676 adam baqylaýdan alyndy. 11 naýryzdaǵy jaǵdaı boıynsha barlyǵy 3974 adam baqylaýda tur.

11 naýryzǵa barlyǵy 90 adam dene qyzýymen jáne JRVI-men, onyń ishinde 1 «b» sanaty boıynsha – 20 adam, 2-sanat boıynsha – 36 adam, 3-sanat boıynsha – 34 adam emdeýge jatqyzyldy. Emdeýge jatqyzylǵan 90 adamnyń ishinen 52 adam shyǵaryldy. 38 adam stasıonarda jatyr.

Álemdegi epıdemıologııalyq jaǵdaı

Dúnıe júzi boıynsha 117 memlekette 38140 adam koronavırýstyq ınfeksııa juqtyrdy.

Epıdemııa oshaǵy Qytaıdy qospaǵanda 1135 naýqas qaıtys boldy:

Italııada – 463, Iranda – 291, Ońtústik Koreıada – 60, Krýız laınerde – 7,
Japonııada – 10, AQSh – 30, Fransııada – 33, Ispanııada – 36, Irakta – 7, Gonkongta – 3, Fılıppınde – 1, Taılandta – 1, Avstralııada – 3, San-Marınoda – 2, Ulybrıtanııada – 6, Nıderlandta – 4, Taıvanda – 1, Argentınada – 1, Mysyrda – 1, Germanııada – 2, Kanada – 1, Lıvanda – 1, Marokkoda – 1, Shveısarııa – 2 adam.

Infeksııa juqtyrǵandar sany kún saıyn 13,7 paıyzǵa, ólim-jitim – 2,9 paıyzǵa artyp otyr.

Qaýiptiligi jaǵynan 1 «a» sanatyna kiretin elder:

Ońtústik Koreıada – 7513 adam indetke shaldyqqan; Iranda – 8042 jaǵdaı tirkelgen.

1 «b» sanatyna kiretin elder:

Italııada – 10149 adam juqtyrǵan.

Al Qytaıda – 80 myń 778 koronavırýs jaǵdaıy tirkelgen, onyń ishinde – 3 myń 158 ólimmen aıaqtalǵan (ólim kórsetkishi – 3,9%). 61 myń 475 adam saýyǵyp shyǵaryldy (76,1%). Stasıonarlarda 16 myń 145 naýqas qalyp otyr.

Qazaqstan Respýblıkasy Densaýlyq saqtaý mınıstrligi jańa koronavırýs ınfeksııasynyń taralýyn boldyrmaý úshin kelesi aldyn-alý sharalaryn saqtaý qajet:
- qoldaryńyz ben betti sabynmen jıi jáne muqııat jýyńyz;
- qoldy zalalsyzdandyrýda spırtti antıseptıkterdi qoldaný;
- adamdar kóp jınalatyn oryndardan aýlaq bolyńyz;
- naýqas adamdarmen baılanysta bolmaýǵa;
- sýyq tııý belgileri (joǵary temperatýra, murynnyń bitelýi, jótel, tamaqtyń aýrýy) paıda bolǵan jaǵdaıda, turǵylyqty jerińiz boıynsha dárigermen keńesý kerek.

Resmı aqparatty Densaýlyq saqtaý mınıstrliginiń Feısbýktegi paraqshasynan oqı alasyzdar jáne týyndaǵan suraqtar boıynsha 1406 nómiri boıynsha táýlik boıy jumys isteıtin Call-ortalyǵyna qońyraý shalýǵa bolady.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir