11 Naýryz, 2020 Saıasat

Nazarbaev pen Pýtın taǵy kezdesti

OPEK+ áýresi men koronavırýs "salqynynan" dollar baǵamy ushyp turǵan tusta Qazaqstannyń eksprezıdenti Nazarbaev pen Reseı prezıdenti Pýtın Kremlde taǵy da kezdesti. Tipti, resmı aqparat quraldarynda "kelissóz júrgizdi" dep te habarlandy bul jolyǵý týraly.

Foto: politic.bugin.kz

Alaıda bul kezdesýdiń jaı-japsary týraly ázirge saıası naqty boljam jasalǵan joq. Ádettegideı ekijaqty kezdesýdiń qysqa-nusqa baıany Elbasy.kz saıtynda jarııa etildi.

Resmı aqparat deregi boıynsha, N. Nazarbaev Qazaqstan men Reseı senimdi seriktes bolyp qala beretinin málimdegen. Sonymen birge, bite qoımas "álaýlaıym" atanǵan EAEO máseleleri de qopsytylǵan. Ekeýara.

"Integrasııalyq birlestik jumys isteıdi. Uıymnyń bolashaǵy zor dep sanaımyn. Qurmetti tóraǵa retinde men odaqtyń odan ári damýyna yqpal etetin bolamyn, - dedi Nursultan Nazarbaev.

Qazaqstan eksbasshysynyń "Yqpal etetin bolamyn" degen sózinen soń Vladımır Pýtın de qarap qalmaǵan syńaıly. О́z kezeginde ol Nazarbaevtyń ıntegrasııalyq úderisterdi damytýǵa jáne eki el arasyndaǵy strategııalyq áriptestikti nyǵaıtýǵa qosqan úlesin atap ótken. 

Sóıtken de óziniń Qazaqstannyń qazirgi prezıdenti Toqaevpen jıi kezdesip turatynyn aıtqan:

"Biz prezıdent Qasym-Jomart Toqaevpen únemi kezdesemiz. Eki el úkimeti tabysty jumys istep jatyr. О́tken jyly taýar aınalymy 19,7 paıyzǵa ósip, 20 mlrd dollarǵa jetti. Bul jaqsy kórsetkish, - dedi Reseı Prezıdenti.

Al táýelsiz sarapshylar bul máselede Pýtın úkimeti teris qabaq tanytyp, Qazaqstan qoldaǵan OPEK+ sheshimi, ıaǵnı, munaı óndirý kólemin qysqartý tóńiregindegi daýly másele kezdesýde aıtylmaýy múmkin emestigin, bundaı bolǵan jaǵdaıda Máskeý bir odaqta (EAEO) baılanǵan elder arasynda munaı saıasaty da ortaq bolýy kerektigin eskertti degen boljamda.

 

Ári qaraı oqı otyryńyz: OPEK+ saıasaty Qazaqstan men Reseıdi qaq jardy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir