7kun.kz
Aýdıtorlar 44 mlrd teńge kóleminde bıýdjet qarajatyn jumsaýda qarjylyq buzýshylyqtardy anyqtady. Bul týraly premer-mınıstrdiń birinshi orynbasary – qarjy mınıstri Álıhan Smaıylov aıtty.
– Esepti kezeńde 334 aýdıtorlyq is-shara júrgizildi. Tekserý 187 mlrd teńge bıýdjet qarajatyn qamtydy. Qarjylyq buzýshylyqtar 44 mlrd teńge kóleminde anyqtaldy. Onyń ishinde 38 mlrd teńge taýarlardy jetkizý, qyzmetter kórsetý jáne jumystardy oryndaý, ótemaqy arqyly joıyldy, – dedi Smaıylov.
Úkimet otyrysynda ol respýblıkalyq bıýdjettiń shyǵystary 2,1 trln teńgeni quraǵanyn atap ótti.
– Memlekettik bıýdjettiń shyǵystary 96,5%-ǵa, respýblıkalyq bıýdjet 97,1%-ǵa, jergilikti bıýdjetter 96,9%-ǵa oryndaldy. 62 mlrd teńge oryndalmady, onyń 10 mlrd teńgesi únemdeldi. Igerilmegen qarajat kólemi 52 mlrd teńgeni qurady, – dep aıtty mınıstr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir