Belgili bolǵandaı, Qazaqstan boksshylarynan erler quramasy – 7, áıelder quramasy 1 joldamaǵa ıe bolǵan. Al atalǵan irikteý týrnırinde el atynan jalpy 13 boksshy synǵa túsken.
Olar: erlerden 52 keli salmaqta Sáken Bıbosynov, 57 keli salmaqta Serik Temirjanov, 63 keli salmaq dárejesinde Zákir Safıýllın qatarly bylǵary qolǵap ıeleri synǵa tússe, 69 kelide Abylaıhan Júsipov el namysyn qorǵady.
Al 75 keli salmaq sanatynda Ábilhan Amanqul, 81 kelide Bekzad Nurdáýletov, 91 keli salmaqta Vasılıı Levıt jáne asa aýyr salmaqta (+91 keli) Qamshybek Qońqabaev sharshy alańda el namysyn qorǵady.
Sonyń ishinde bir ǵana boksshy Sáken Bıbosynovtan basqasynyń barlyǵy Tokıo Olımpıadasyna joldama jeńip aldy.
Bul nátıje qyzdar arasyndaǵy boksta qaıtalanbady. Máselen, 51 kelide Angelına Lýkas, 57 kelide Dámetken Kelimbet, 60 keli salmaqta Rımma Volosenko, 69 kelide Valentına Halzova jáne 75 keli salmaqta Nadejda Rıabes el baq synaǵanmen, tek qana Nadejda Rıabes Tokıo Olımpıadasyna joldamany enshiledi.
Nátıjesinde, el sportshylary olımpıadalyq jalpy joldama sanyn 37-ge jetkizip otyr.
Taǵy oqı otyryńyz: Qytaıda turatyn Toqtarbek Tokıo Olımpıadasyna joldama aldy
Pikir qaldyrý
pikir