09 Naýryz, 2020 Saıasat

Koronavırýs "salqyny" qara altynǵa da tıdi

OPEK+ elderiniń Venadaǵy kelissózi sátsiz aıaqtaldy. Onda taraptar munaı óndirý kólemin qysqartý boıynsha ortaq mámilege kele almaı tarqasty. Saldarynan álemde munaı baǵasy kúrt quldyrap bara jatyr.

Foto: a-smirnov.ru

Sarapshylardyń aıtýynsha, atalǵan óndiris túriniń qysqarýyna koronavırýs "salqyny" sebep bolǵan. Iаǵnı, álemdi alańdatqan ótkir juqpaly aýyrý saladaǵy suranystyń meılinshe tómendeýine sebep bolýda. 

Uıym saıaasaty boıynsha, bundaı jaǵdaıda óndiris kólemin tejeý arqyly baǵany turaqtandyrý múmkindigi joǵary dep baǵalanǵan.

Alaıda buǵan deıin jazǵanymyzdaı Reseı bastaǵan munaıly elderdiń ortaq mámilege qarsylyǵy Venadaǵy kelissózdi sheshimsiz jıynǵa aınaldyrǵan. Sonyń saldarynan munaı baǵasy quldyraǵany baıqalady.

Aıtalyq, Londondaǵy ICE Futures bırjasynda Brent markaly munaı baǵasy 33,4 paıyzǵa quldyrap, barreline 33,94 dollar deńgeıine deıin tómendegen. 

Al munaı baǵasy sońǵy ret 2016 jylǵy aqpanda barreli 34 dollardan da tómen nátıje kórsetken.  Sonymen birge, sáýir aıynda fıýcherster boıynsha WTI markili munaı baǵasy 27,1 paıyzǵa kemip, barreli 32,48 dollarǵa deıin quldyraǵan bolatyn. 

Oqı otyryńyz: OPEK+ saıasaty Qazaqstan men Reseıdi qaq jardy



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir