Seýlden Nur-Sultanǵa ushyp kelgen jolaýshylar karantınge jiberildi

Nur-Sultanǵa Seýlden 178 jolaýshysy bar bort kelip qondy. Bul týraly densaýlyq saqtaý mınıstrliginiń resmı ókili Dıas Ahmetshárip habarlady. 

Kelgenderdiń ishindegi 93 qazaqstandyq stasıonardaǵy karantınge jatqyzylady, tranzıt jolaýshylar ózge elderge ketedi. 

– Búgin elorda áýejaıyna Seýl – Nur-Sultan borty ushyp keldi. Jalpy 178 adam, onyń ishinde 85 adam tranzıtpen kelgen, Reseı – 31, О́zbekstan – 51, Grýzııa – 3 jolaýshy. 93 qazaqstandyq bar, olardyń ekeýi bala. Olardyń barlyǵy Nur-Sultan qalasyndaǵy medısınalyq ortalyqtarǵa jetkiziledi, – dedi Ahmetshárip brıfıngte.

Ol tranzıttik azamattardyń áýejaıdan shyqpaǵanyn túsindirdi.

– Jolaýshylar qazir óz reısterin kútýde. Iаǵnı, olar Qazaqstan shekarasynan óz otandaryna oralýdy josparlap otyr, – dedi Dıas Ahmetshárip.