Halyqaralyq syılyqty Vashıngtonda AQSh memlekettik hatshysy Maık Pompeo men AQSh-tyń birinshi hanymy Melanııa Tramp tabystaǵan.
"Saıragúl Saýytbaıǵa bas ıemiz. Ol buryn dáriger bolǵan. Ol shyndyqty aıtqany úshin otbasynan ajyrap, qamalyp, qysym kórdi, ólim jazasyna kesilýi de múmkin edi. Ol – Qytaıdyń Kommýnıstik partııasynyń Shyńjańdaǵy musylmandarǵa qarsy qysymy jaıly ashyq aıtqandardyń biri. Saıragúl Saýytbaı qoryqpaı Shyńjań lagerleri týraly aqparattardy aıtty jáne qazir de lagerde qamalyp shyqqandar men olardyń týystaryna qamaýda kórgenderin ashyq aıtýǵa jigerlendirip júr" dedi Pompeo saltanatty marapattaý sátinde .
Belgili bolǵandaı, marapattaý saıyn AQSh memlekettik departamenti bul syılyqty beıbitshilik, ádildik, adam quqyǵy, genderlik teńdik, áıelder quqyǵy úshin kúresip, óz ómirlerin qaýipke tikken áıelderge beretini aıtylyp keledi.
Alaıda, Pompeonyń pikirine baılanysty Qazaqstan qoǵamyndaǵy jurt pikiri ekige jarylýda. Bir tarap, bul málimdemeni AQSh-tyń Qytaıǵa ustanǵan saıasatynyń "kórinisi", ári Saıragúldi Qazaqstanǵa alyp qala almaǵan Qazaqstan úkimetine "eskertý" dese, endi bir tarap Saıragúldiń batyrlyǵyn aıtyp, bul syılyqtyń astarynan saıasat izdemeý kerektigin aıtýda.
Pikir qaldyrý
pikir