Kókpar oınaǵan azamattar keshirim surady (vıdeo)

Almaty oblysynyń joldarynda ruqsatsyz kókpar uıymdastyryp oınaǵan azamattar qylmystyq jaýapkershilikke tartyldy. Bul týraly Polisia.kz habarlady.

Kóktebi jáne Rahat aýyldyq okrýgteriniń turǵyndary arasynda kókpar ulttyq oıyny ótkendigi anyqtaldy. Is-shara aıaqtalǵannan keıin qatysýshylardyń bir bóligi oıyndy jol bóliginde jalǵastyrǵany belgili boldy. Atalǵan zańǵa qaıshy áreketterdiń jolyn patrýldik polısııa ekıpajdary der kezinde kesti. Sonymen qatar, ulttyq oıyndar jergilikti atqarýshy organdardyń kelisiminsiz ótkizilgenin atap ótken jón.

Esterińizge sala keteıik, kókpar tartqandardyń vıdeosy áleýmettik jeliler men messendjerler betinde keńinen taraǵan bolatyn. Beıne túsirilimnen Almaty oblysy, Eńbekshiqazaq aýdany, Rahat aýyldyq okrýginde 20-25 adam ruqsatsyz “Kókpar” oıynyn uıymdastyrǵanyn kórýge bolady.

Oıyndy uıymdastyrǵandar 1998, 1997, 2000, 1992 jylǵy Almaty oblysy Rahat aýylynyń turǵyndary. Olar QR ákimshilk quqyq buzýshylyq týraly kodeksiniń  434-baby 1-bóligi boıynsha ákimshilik jaýapkershilikke tartyldy.

Oıyndy uıymdastyrýǵa jáne ótkizýge qatysqan ózge de azamattar anyqtalýda.