• USD 468.56

  • EUR 497.56

  • RUB 7.3

  • CNY 67.18

28 Naýryz, 16:04:54
Almaty
+35°

04 Naýryz, 2020 NEWS

Nazarbaeva jeńil ónerkásip sektorynda Qazaqstannyń Ońtústiktegi kórshilerden qalyp qoıǵanyn aıtty

"Jeńil ónerkásip - paıdaly qazba qorlary azaıyp, munaı baǵasy quldyrap, daǵdarystyń jańa tolqyny taıaǵan shaqta ekonomıkany ártaraptandyrý múmkindikteriniń biri"

Foto: senate.parlam.kz

Bundaı oıdy búgin Senatta ótken «Qazaqstannyń jeńil ónerkásibi: qazirgi jaı-kúıi jáne ónimdiligi joǵary bıznestiń damý bolashaǵy» taqyrybynda Parlamenttik tyńdaýynda Darıǵa Nazarbaeva aıtty, dep habarlaıdy Qamshy.kz aqparat agenttigi. 

Senat spıkeriniń aıtýynsha, qazba baılyq azaıyp, munaı baǵasy quldyrap ketpes buryn ekonomıka ártaraptanýy tıis. Al bul rette daǵdarysta "qutqarýshy" faktor retinde damýy tıis qazaqstandyq jeńil ónerkásip áli de kenje qalǵan salalardyń biri bolyp otyr. 

«Jeńil ónerkásip - Qazaqstan ónerkásibindegi eń problemaly sektor. Týra bir jyl buryn Jol kartasy qabyldandy. Esepke sensek, barlyq is-sharalar atqarylǵan. Alaıda, bul qujat jeńil ónerkásiptiń barlyq problemalaryn keshendi túrde sheshpeıdi. Jeńil ónerkásip - paıdaly qazba qorlary azaıyp, munaı baǵasy quldyrap, daǵdarystyń jańa tolqyny taıaǵan shaqta ekonomıkany ártaraptandyrý múmkindikteriniń biri», - dedi Darıǵa Nazarbaeva.

Osy rette, ol ónerkásipti damytýdaǵy kedergilerdi de atap ótti. Máselen, otandyq ónimniń aımaqta básekelestikke tolyq daıyn bolmaýy, modernızasııalyq jańǵyrý men qural jabdyqtardyń laıyqtalmaýy syndy kúrdeli túıtkilder de joq emes. 

Budan bólek, D. Nazarbaeva bank júıesindegi qoljetimsizdik te kásipkerlerdiń qolyn baılap otyrǵanyn da jetkizdi.

«Kásiporyndar kóp jaǵdaıda bankterden nesıe ala almaıdy. Ekinshi deńgeıdegi bankter bıznesten túsken ótinimderdi qaraǵan kezde kepil múlkin óte tómen mólsherleme boıynsha baǵalaıdy. Kredıt alǵan kásiporyndar ǵımaratyn salyp bitirmeı, jabdyqtardy alyp úlgermeı jatyp tólem tóleýdi bastaýǵa májbúr»,- dedi ol.

Taǵy bir aıta ketetin jaıt, Senat tóraǵasy kórshi О́zbekstan men Qyrǵyzstannyń jeńil ónerkásibi Qazaqstanǵa qaraǵanda eki, úsh ese damyp ketkenin de aıtýdy umytpady jıynda.

Ol usynǵan derek boıynsha, qazir elimizde orta jáne jeńil ónerkásip salasynda 1071 kásiporyn atalsa, onyń tek 40-y ǵana jumys istep tur. Eń ókinishtisi de saladaǵy qyzmetkerler sany 10 myń adamǵa da jetpeıtinge uqsaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir