23 jyl túrmede jazyqsyz otyrǵan amerıkalyq: Balalyq shaǵymnan aıyryldym (vıdeo)

23 jyl boıy túrmede otyrǵan Lamonte Makıntaırýǵa zańsyz sottalǵany úshin 1,5 mln dollar ótemaqy berildi, dep jazdy unilad.co.uk saıty. 

1994 jyly sot 17 jastaǵy Lamonte Makıntaırýdy Donald Iýıng pen Donıel Kýındi óltirgeni úshin ómir boıy bas bostandyǵynan aıyrǵan. 

8583 kúnnen soń, ıaǵnı, 2017 jyldyń qarasha aıynda Vaıandottyń ýezdik soty qylmystyq isti qaıta qarap, Lamonte aqtalyp shyǵady. О́miriniń shırek ǵasyryn temir torda ótkizgen Lamonte aqtalyp shyqqan kúni 41 jasta edi. 

2019 jyly Lamonte Kanzas shtatyna qarsy aryz jazyp, memleketten moraldyq jáne materıaldyq shyǵyndy óteýdi talap etken. 24 aqpanda bas prokýratýra sot isinde qate ketkenin aıtty. 

1,5 mln. dollardan bólek, er adamǵa kinási joq ekenin dáleldeıtin sertıfıkat, 2020-2021 jyldardaǵy memlekettik medısınalyq qyzmetke tegin júginý múmkindigi berildi. Sondaı-aq ol ýnıversıtette tegin bilim ala alady. Biraq ol túrmede óz qaltasynan aqsha shyǵaryp bilim alǵanyn aıtyp, ýnıversıtette tegin oqýdan bas tartady. 

"Kanzas shtaty meniń ómirimniń 23 jylyn alyp, qaıtarymyna eshteńe bermedi. Memleket meniń jastyq shaǵymdy urlady. Men ár týǵan kúnimdi temir torda ótkizdim. Otbasymnyń qýanyshyn bólisip, qaıǵysynda demeý bola almadym. Olardyń janynda bolyp, kómek kórsetý kerek kezde men túrmede boldym. Meniń jıenderim dúnıege kelgen kezde, olardy oınata almadym. Qazir olar eseıip, erjetti. Balalyq shaǵymnan da erte aıyryldym. Meniń súıikti atam qaıtys bolǵan kezde de men túrmede boldym.  Anam ákesinen aıyryldy.  Al men ony jubata almadym", - deıdi Lamonte Makıntaırý.

Ol túrmeden shyqqan soń "Miracle of Innocence" (Kinásizdiktiń keremeti) dep atalatyn kommersııalyq emes uıym ashty. Qazir zańsyz sottalyp ketkenderge kómektesedi.

Lamonte McIntyre spent 23 years in prison for two murders he didn't commit.
He is now receiving more than $1.5 million to settle a lawsuit against the state of Kansas.
His answer to surviving the tough times: "My faith is everything...never underestimate God." @KMBC pic.twitter.com/69eyK5numx

— Keleigh Gibbs (@KGibbsKMBC) February 26, 2020