03 Naýryz, 2020 Saıasat

Dabyl: Shyǵys Qazaqstan oblysynda biraz aýyl joıyldy

Qoǵam belsendileri "qarttanǵan" shekaralyq aýdandardy saqtap qalý kerek dep aıqaılap júrgende, monoqalalardy damytý deıtin daqpyrtty uran damyl tappaı turǵan tustyń ózinde-aq Qazaqstanda aýyl joıylyp jatyr. Tap shekaranyń túbindegi Shyǵysta.

Foto: ashyq aqparat kózderinen

Bul týraly Qamshy.kz aqparat agenttigi QazAqparat deregin negiz ete otyryp habarlaıdy.

Resmı aqparatqa súıensek, Shyǵys Qazaqstan oblys ákimdiginiń qaýlysy men máslıhattyń sheshimi boıynsha, Zaısan aýdany men Semeı qalasynyń ákimshilik-aýmaqtyq qurylymynda birqatar ózgeris jasalǵan.

Atap aıtqanda, Zaısan aýdany Saryterek aýyldyq okrýgindegi Jańabaz aýyly Kógedaı aýylyna, Aınabulaq aýyldyq okrýgindegi Taldy, Sarytumsyq aýyldary Aınabulaq aýylyna, Keńsaı aýyldyq okrýginiń Sarshy aýyly Keńsaı aýylyna qosylyp, resmı ataýlary joıylǵan.

Bundaı sheshim Semeıdi de shet aınalmaǵan. Ol jerdegi Karaóleń, Sosıalıstik Qazaqstan aýyldaryn da endi turǵyndar jadynan óshirýge týra kelip otyr.

Ázirge, bul aýyldardyń ákimshilik basqarý turǵydaǵy shyǵynynyń salmaǵynan, álde demografııalyq ahýaldyń súreńsizdiginen jabylyp otyr ma, ol týraly eshteńe aıtylmaǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir