Sottalǵan qyrǵyzstandyq saıasatker Sadyr Japarovty qoldaý mıtıngisinen soń 166 adam ishki ister basqarmasyna jetkizilgen, dep jazady Qamshy.kz aqparat agenttigi centralasian.org saıtynyń deregin negizge alyp. 

"162 adam bosatyldy, tórt azamat qamaýǵa alyndy" delingen mınıstrlik habarlamasynda. Jappaı tártipsizdik boıynsha sotqa deıingi óndiris bastaldy.

Ulttyq qaýipsizdik memlekettik komıtetiniń habarlaýynsha, 3 naýryzda mıtıngti uıymdastyrýshylardyń biri, eks-depýtat Kanybek Osmonalıev pen aksııanyń bir belsendisi D.A. ustaldy. Ekeýi de tergeý abaqtysynda otyr.

Bir kún buryn keshke Bishkektegi mıtıng quqyq qorǵaý organdarynyń kúshimen taratyldy.

IIM málimeti boıynsha, jappaı tártipsizdik kezinde mılısııanyń 24 qyzmetkeriniń denesine zaqym kelgen.

2 naýryzda Ala-Too alańynda sottalǵan saıasatker Sadyr Japarov jaqtastary mıtıng ótkizip, bılikten eks-depýtatty bosatýyn talap etti. Keshke qaraı olar mılısııamen qaqtyǵysyp qaldy. Quqyq qorǵaý organdary olarǵa qarsy vodomet pen kózden jas aǵyzatyn gaz qoldandy.

Sadyr Japarov 2013 jyly Qarakólde mıtıng uıymdastyryp, gýbernator Emılbek Qaptaǵaevti kepilge alǵany úshin aıypty dep tanyldy. Saıasatker on jylǵa sottaldy. Sol kezde mıtıngige shyqqandar "Qumtór" altyn kenin memleket menshigine alýdy talap etken.

"Qamshy" silteıdi
Ilmek sózder: Qyrǵyzstan Bishkek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir