Iranda koronavırýsten kóz jumǵandar sany kóbeıip jatyr

Iranda koronavırýsten kóz jumǵandar sany 66-ǵa jetti. Iran Densaýlyq saqtaý mınıstriniń orynbasary Alırezı Raısıdiń málimetine silteme jasaǵan IRNA aqparat agenttigi vırýs juqtyrǵandar sany  1501-ge jetkenin, 291 adam jazylyp shyqqanyn habarlady. 

Agenttiktiń jazýynsha, koronavırýs juqtyrǵandardyń eń kóbi – 225 adam el astanasy Tegeran qalasynda tirkelgen. Odan bólek, Kýmada – 62, Gılıanda – 53, Isfahanda – 23, Markazı provınsııasynda – 18, Kazvınde – 18, Horasan Rezavıde – 6, Fars provınsııasynda – 8, Kermanshahta – 1, Mazenderanda – 12, Alborzada – 10, Hormozganda – 7, Hýzestanda – 12, Sıstan jáne Belýdjıstan provınsııasynda – 1, Batys Ázerbaıjanda – 4, Ilamda – 2, Ońtústik Horasanda – 3, Kermanda – 2 jáne Iezde bir adam indet juqtyrǵan.