02 Naýryz, 2020 NEWS
Foto: zhetysu.gov.kz
Almaty oblysynyń ákimi Amandyq Batalov oblys aktıvimen ótken jıynda óziniń jańa orynbasary men apparat jetekshisin tanystyrdy, dep habarlaıdy oblys ákiminiń baspasóz qyzmeti.
Almaty oblysy ákiminiń orynbasary bolyp Serik Turdalıev, apparat jetekshisi bolyp Tólegen Sársembaev taǵaıyndaldy.
– Prezıdent Ákimshiliginiń kelisimimen oblys ákiminiń orynbasary laýazymyna Serik Turdalıev taǵaıyndaldy. Ol bizdiń oblysta buǵan deıin de jumys istegen. Sol kezde de óziniń iskerligin kórsetip, kásipkerlik salasynda birqatar jobalardyń sátti júzege asyrylýyna yqpal etti. Oblys ákimi apparatynyń basshysy etip Tólegen Sársembaevty taǵaıyndadym. Ol da - tájirıbesi mol, isker azamat. Ekeýiniń de jańa qyzmetteri jemisti bolsyn, Jetisý jeriniń ıgiligine qyzmet ete berýlerine tilektespin, – dedi Amandyq Batalov.
Serik Turdalıev 2012-2017 jyldary oblys ákimi qyzmetin atqarǵan. Oǵan deıin "Qazaqmys" korporasııasynda jumys istep, "Halyq banki" AQ-nyń atqarýshy dırektory bolǵan.
Al Tólegen Sársembaev buǵan deıin Almaty oblysy memlekettik kirister departamentine jetekshilik etken.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir