02 Naýryz, 2020 NEWS

"Jala jabý" babyna enetin túzetýler tanystyryldy

Foto: inform.kz

"Ashyq NQA" portalynda Qylmystyq kodeks pen Ákimshilik quqyqbuzýshylyq týraly kodekse enetin túzetýlerdiń jobasy jarııalandy. Oǵan sáıkes qylmystyq kodeksten jala jabý baby alynyp tastalyp, aıyppul somasy tómendetilmek.

Ákimshilik quqyqbuzýshylyq týraly kodeks qosymsha – 73-3 babymen tolyqpaq. Pýnkttegi 1 bapta "abyroı-bedelge nuqsan keletin nemese repýtasııany buzýǵa ákelip soqtyrǵan qasaqana jalǵan derek taratqany úshin jeke tulǵaǵa 160 aılyq eseptik kórsetkish túrindegi aıyppul salynady nemese 15 táýlikke qamalady" delingen. Laýazym ıesine 550 AEK mólsherinde aıyppul nemese 20 táýlikke qamaý jazasy qarastyrylǵan.

2 bapta pýblıka aldynda nemese buqaralyq aqparat quraldaryn, telekommýnıkasııalyq jelilerdi paıdalaný arqyly jalǵan derekter taratqany úshin jeke tulǵa úshin 180 AEK kólemindegi aıyppul salý nemese 20 táýlikke qamaý, laýazymdy tulǵa úshin 650 myń AEK kólemindegi aıyppul nemese 25 táýlikke qamaý qarastyrylǵan.

Sondaı-aq Qylmystyq kodekstegi 174-bapty ózgertý men tolyqtyrý usynylyp otyr. Oǵan sáıkes "qozdyrý" sózi "jaǵý" sózimen almastyrylmaq. Bul bap boıynsha 2 myńnan 7 myńǵa deıingi AEK mólsherindegi aıyppul nemese 2 jyldan 7 jylǵa deıin bas bostandyqtan aıyrý kózdelgen.

Túzetýdi talqylaý 16 naýryzǵa deıin jalǵasady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir