"Ońtústik Koreıadaǵy koronavırýstyń taraýyna dinı oryndar da yqpal etti": Eraly Toǵjanov namaz týraly aıtty

Bul týraly Eraly Toǵjanov Úkimet úıindegi brıfıng barysynda aıtty,dep habarlaıdy Qamshy.kz aqparat agenttigi. 

Jıynda áýeli ol Úkimet otyrysynda meshitter, saýda ortalyqtary syndy kóp adam jınalatyn jerlerde koronavırýstan aldyn alý sharalaryn, tazalyq saqtaý, dezınfeksııa máselelerin qolǵa alý týraly naqty tapsyrmalar berilgenin aıta kelip: 

"Meshitterge aıtylǵan usynys boıynsha bas ımamdardyń ózderi sheshim qabyldaýy kerek. Ashyǵyn aıtqanda, Allanyń aldynda nıet qylý meshitterde ǵana emes, árbir azamat úıinde de nemese ózińiz aıtqandaı ashyq aspan astynda da nıet qyla alady. Bul – árbir azamattyń óz quqyǵy. Degenmen, adam kóp jınalatyn jerlerde bul máseleni eskerýimiz kerek", - dedi ol.

Premer-Mınıstriniń orynbasary bul rette saqtyq týraly oıyn Ońtústik Koreıadaǵy jaǵdaımen baılanystyra jetkizdi:

"Ońtústik Koreıadaǵy koronavırýstyń taraýyna dinı oryndar da yqpal etti. Sony da eskerýimiz qajet jáne azamattardy saqtandyrýǵa tıispiz», - dedi.