"1 naýryz kúni beıbit mıtıngige shyǵamyz" dep málimdegen qoǵam belsendisi, Dempartııa yntaly tobynyń jetekshisi Janbolat Mamaıdy úıinen shyǵa bergende ustamaq boldy. Bolǵan jaǵdaıdy qoǵam belsendisi men jubaıy Inga Imanbaı facebook-ta tikeleı efır arqyly kórsetti.

Vıdenodan úıden úsh adam bolyp shyqqan qoǵam belsendileriniń artynan birneshe adam ergenin kórýge bolady. Belgisiz eki azamat olardan áldebir kósheni izdep júrgenin, jol silteýlerin suraıdy. Alaıda ol kóshe basqa jaqta ekenine qaramastan, belsendilerdiń sońynan eredi. "Kóshe ana jaqta ǵoı" degenderine "biz aınalyp baramyz" dep jaýap berdi.

Munan soń belsendilerdiń janyna qara kólikpen eki adam keldi. О́zderin Almaty qalasy Naýryzbaı aýdandyq ishki ister bólimi qyzmetkerleri dep tanystyryp,  Mamaıǵa shaqyrý qaǵazyn kórsetip, qylmystyq is boıynsha atalmysh bólimge júrýin suraıdy.

Alaıda qujatpen tanysqan Janbolat Mamaı shaqyrýda qandaı qylmystyq is ekeni, nendeı bap boıynsha shaqyrylyp jatqany jazylmaǵandyqtan, mór qoıylmaǵandyqtan barýdan bas tartady.

Naýryzbaı aýdandyq ishki ister bóliminenbiz degen azamattardyń biri Inga Imanbaıǵa vıdeoǵa túsirýge bolmaıtynyn aıtyp, telefonyn tartyp alýǵa tyrysady. Osy jerden tikeleı efır úziledi.

Sálden soń tikeleı efır jalǵasady. Onda Imanbaı "Basym, basym! Anaý meniń basymdy vorotaǵa urdy dep" aıqaılap jatyr. Vıdeoda Mamaıdyń "Ońbaǵandar. Ekiqabat áıeldi nege urasyńdar" degen daýsy shyǵady. Artynsha polısııa qyzmetkerleri telefondy tartyp aldy. 

Munan soń Mamaı tikeleı efırge shyǵyp, 4 polısııa qyzmetkeri olarǵa shabýyl jasaǵanyn, Inga Imanbaıdyń telefonyn tartyp alǵanyn, jedel járdem shaqyrǵanyn habarlaıdy. Imanbaı ózine shabýyl jasaǵanyn aıtyp, "meniń bıýro korochkamdy jyrtyp tastady. Basymdy vorotaǵa urdy" dedi.

Kelesi vıdeoda jedel járdem qyzmetkerleri Imanbaıdy qarap jatqany túsirilgen. Onda dáriger Imanbaıdyń basynda "shıshka" baryn aıtady.

Artynsha Janbolat Mamaı "Inga Imanbaı aýyr jaraqat aldy. Ony jedel járdem tirkedi. Qaskeleń aýrýhanasyna apara jatyr. Bular polısııa emes, qaraqshylar" dep jazdy.

Sálden soń meni Qasteleńde ustaýy múmkin dep jazdy.

Keshe qoǵam belsendisi Shkoda jáne Kıa kólikterine mingend qyzmetkerler úıiniń mańyn torýyldap júrgenin málim etken. Belsendiniń sózinshe, olar mıtıngige barǵyzbaý úshin júr.

Búgin erteńgisin sms habarlama arqyly onyń ústinen qozǵalǵan ákimshilik ispen tanysý úshin Almaty qalasy Bostandyq aýdandyq polısııa basqarmasyna shaqyrý kelgenin málimdegen.

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir