Indýstrııa jáne ınfraqurylymdyq damý mınıstrliginde Armenııada tirkelgen kólikterdiń qazaqstandyq ıeleriniń múddesin qorǵaıtyn bastamashyl top ókilderimen kezdesý ótti, dep habarlaıdy QazAqparat.

Kezdesý barysynda Indýstrııa jáne ınfraqurylymdyq damý vıse-mınıstri A.Erjanov pen Ishki ister mınıstriniń birinshi orynbasary M.Qojaev Armenııa Respýblıkasynan ákelingen kólikterdiń Qazaqstan aýmaǵynda erkin júrýi úshin saqtalýy tıis ulttyq jáne eýrazııalyq zańnama normalaryn bastamashyl top ókilderine jan-jaqty túsindirip berdi.

Indýstrııa jáne ınfraqurylymdyq damý vıse-mınıstriniń túsindirýinshe, Armenııaǵa jeńildetilgen baj salyǵymen ákelingen kólikter sol eldiń aýmaǵynda ǵana júrýi tıis. Bul Armenııanyń Eýrazııalyq odaqqa kirýi barysyndaǵy negizgi sharttardyń biri bolǵan. Sondaı-aq ol Qazaqstan azamattarynyń armıan bıliginiń salǵyrttyǵy saldarynan avtomobılderdi Armenııada turatyn azamat retinde tirkegendikterin atap ótti. Bul EAEO zańnamasyn buzý bolyp sanalady.

Al bastamashyl top ókilderi ózderi alyp kelgen kólikterdi tehnıkalyq reglamentke sáıkestigine qaramastan Qazaqstanda tirkeý úshin qajetti tólemderden bosatý arqyly zańdastyrýdy usyndy. Sonymen qatar olar 2020 jyldyń 1 naýryzynan bastap, Armenııadan jeke tulǵalardyń avtomobıl ákelýine tyıym salýdy nemese mundaı kólik quraldaryna keminde 3 mln teńge saqtandyrý engizýdi usynyp otyr. О́z kezeginde ókiletti organdardyń ókilderi qoldanystaǵy zańnamaǵa sáıkes avtomobılderdi tirkeýge keńes berdi.

Kezdesý sońynda bul máseleni Indýstrııa jáne ınfraqurylymdyq damý mınıstrligi alańynda talqylaýdy jalǵastyrý usynyldy. Sonymen qatar avtomobıl ıelerine zańsyz sherý ótkizý arqyly Qazaqstan zańnamasyn buzbaýǵa keńes berildi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir