• USD 468.56

  • EUR 497.56

  • RUB 7.3

  • CNY 67.18

28 Naýryz, 22:39:35
Almaty
+35°

Sırııanyń Idlıb aımaǵynda bolǵan áýe soqqysynyń saldarynan Túrkııa qarýly kúshteriniń 33 jaýyngeri qaza tapty. Bul jaıynda Túrkııanyń Hataı aımaǵyndaǵy úkimet ókilderi málimdedi, dep jazady dw.com.

Osydan keıin Túrkııa Respýblıkasynyń prezıdenti Redjep Taıyp Erdoǵan qaýipsizdik máseleleri boıynsha tótenshe jınalys ótkizdi. Artynsha Sırııa armııasynyń pozısııalary boıynsha Túrkııa áskeri soqqy jasady.

Daily Sabah gazetiniń málimdemesi boıynsha Túrkııa áskeri Idlıb aımaǵynyń shyǵysynda ornalasqan Sırııa áskeriniń qaraýyl jasaǵyn joıyp jibergen. Basylymnyń málimeti boıynsha, M-5 halyqaralyq avtojolyndaǵy ásker soqqyǵa dýshar boldy. Adam quqyqtary boıynsha sırııalyq monıtorıng ortalyǵynyń málimdeýinshe, Túrkııanyń qarýly kúshteriniń ushqyshsyz ushatyn apparattary men artıllerııasy Sırııa armııasynyń aımaqtyń ońtústik jáne shyǵys jaqtaryn soqqyǵa alyp, jıyrmaǵa jýyq Sırııa áskeriniń kózin joıǵan. Túrkııanyń resmı ókilderiniń málimdemesinde Idlıb aımaǵymen shekaralas Túrkııanyń Hataı aımaǵynda Sırııa tarapynan jasalǵan áýe soqqylarynan soń 36 jaýynger jaralanǵany habarlanǵan.

Shabýyldan soń Grekııa Túrkııamen shekarasyndaǵy baqylaýdy kúsheıte bastady. Bolgarııanyń resmı ókilderi de Túrkııamen aradaǵy shekarany qatań baqylaýǵa alý úshin 1000-ǵa jýyq áskerin shekaraǵa jiberetinin málimdedi. О́ıtkeni osy shabýyldan soń Túrkııa Respýblıkasynyń resmı ókilderi shabýylǵa Reseıdiń qarýly kúshteriniń ushaqtarynyń da qatysqanyn keltire otyryp, budan bylaı Sırııadan keletin bosqyndardy Eýropaǵa aǵylýyna kedergi bolmaıtynyn jetkizdi.

Al Eýro Odaq elderimen Túrkııa respýblıkasynyń arasynda 300 shaqyrymdyq shekara bar. NATO-nyń bas hatshysy Iens Stoltenberg Túrkııa qarýly kúshterine qarsy jasalǵan bul shabýyldy aıyptady.

Túrkııanyń Grekııa jáne Bolgarııa respýblıkalary arasyndaǵy shekarasyna bosqyndar aǵylyp kelýde. Túrkııada qazirdiń ózinde resmı málimetter boıynsha 3,6 mln sırııalyq bosqyn bar. Túrkııa halqy da bosqyndardan jalyqqanyn jasyrmaýda. Aımaqtaǵy jaǵdaı barynsha shıelenisýde. Bul Túrkııa-Sırııa qaqtyǵysy emes, bul endi Túrkııa-Reseı qaqtyǵysy sanalatyndaı jaǵdaıǵa jetti. Eýrazııanyń Orta Shyǵys aımaǵynda álemdik alpaýyt elderdiń múddeleri qaıtadan qaqtyǵysýy úlken soǵysqa aparýy ǵajap emes.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir