• USD 389.52
  • EUR 429.21
  • RUB 6.07
  • CNY 54.94
07 Sáýir, 06:11:33
Shyńjańdyq dúngen: Dereý qazaqtardan keshirim surańdar! (aýdıo)

29 Aqpan, 2020 NEWS

"Qosh bol, áke". Janbolat Aǵadildiń monology

Foto: inform.kz

Aqyn Azamat Maljanbaı qoǵam belsendisi, tergeý ızolıatorynda qaıtys bolǵan Dýlat Aǵadildiń qazasyna baılanysty uly Janbolat Aǵadildiń atynan monolog jazdy. 

Janbolat Aǵadildiń monology

ÁKESI DÝLATQA ARNALADY:

Asyl áke óziń barda qasymda,
Baıqamappyn, baqytty ekem rasynda.
Talapkerdiń tańyn búgin qarsy aldym,
Jylap turyp beıitińniń basynda.

Kóp deýshi ediń, el men jer dep ólgender,
Keshe qatty tolqydy ǵoı kómgende el.
Kim oılaǵan jerge tyǵyp keter dep,
Jedel járdem kóligimen kelgender.

Ol sumdarǵa ashpaǵan em esikti,
Teýip kirip, zorlyǵymen shoshytty.
Áketaı-aý, sen ańsaǵan «ádilet»,
Osy joly ajal bolyp jetipti.

Siz aıtqan soń Alash jaıly oqyǵam,
О́sıetińdi kókeıime toqyǵam.
37-jyldardaǵy sumdyqtar,
Bizdiń úıde bolǵanyna shoshynam.

Dýlatovtaı bolsa eken dep batyldy,
Qoıypty dep aıtyp ediń atyńdy.
Sol arystaı sende kettiń jan áke,
Túsine almaı mynaý nurly ǵasyrdy.

Jer qaıysty janazańa kelgende,
О́zegime órt tutandy kómgende.
Bálkim bizde tiri jetim bolmas pa ek,
Osy halyq sen tiride ergende.

Pana bolar zar bolyp bir qalqaǵa,
Alty jetim ańyradyq Arqada.
Endi bizdiń jan-jaramyz jazylmas,
Alty alash kelip alaqanǵa salsada.

Balań qaldy jetim bolyp sor qaınap,
Anam qaldy jesir bolyp oıbaılap.
О́z basyńa domalaıtyn jartasqa,
Mert boldyń-aý áke qatty aıǵaılap.

Qazaq úshin turamyn deýshi eń ólgenshe,
Áke seni jaý kórdi ǵoı kómgenshe.
Tul jetimniń azabyna shydarmyz,
Osy júıe sizdi óltirip jóndelse.

Áke ózińe biz túgili, el zar boldy,
О́z saqshymyz ózimizge jaý boldy.
Bizdi osylar qorǵaıdy dep júrýshi em,
Sábı júrek túsine almaı dal boldy.

Áke senen deýshi edik kóp úlgi alsaq,
Nár beretin tamyr ediń búr jarsaq.
Áke seniń tynshıdy ma arýaǵyń,
Osy eldegi sońǵy jetim biz bolsaq.

Áke seniń ár bir sóziń – ult úni,
Kókjal ediń qısaımaǵan qylshyǵy.
Bóltirigiń aman bolsa túbinde,
Qorqaýlardy ıtshe ulytar bir kúni.

Qosh bol áke, artyńda alty bala júr,
Rýhyńmenen bizdi esińe ala júr.
Tulybyna móńirep qalǵan sıyrdaı,
Elińe de nazaryńdy sala júr.....

Azamat Maljanbaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir