Qytaı azamaty koronavırýsty qalaı juqtyrǵanyn aıtty

Qytaıdyń Chendý qalasynyń 27 jastaǵy turǵyny Sıao Iаo óziniń koronavırýsty qalaı juqtyrǵany týraly aıtyp berdi. Bul týraly ol óziniń áleýmettik jelidegi paraqshasynda jazdy. 

Qytaılyq azamat vırýsty qashan jáne qaıda juqtyrǵanyn bilmeıdi. Onyń aıtýynsha, ol koronavırýsty Hýbeı provınsııasynyń Szınchjoý qalasynda jańa jyldy qarsy alýǵa bara jatqan da poıyzda juqtyrǵan bolýy múkin.

Iаonyń sózinshe, ol Ýhanda koronavırýstyń órshýi, ınfeksııanyń taralýy týraly estigen. Otbasyn qorǵaý úshin azamat jańa jyl kezinde ózi úıiniń janyndaǵy qonaqúıge jaıǵasqan. Keıinnen onyń úıine oralýyna múmkindigi bolmady. О́ıtkeni sol ýaqytta Hýbeı provınsııasynyń kóp bóligin karantınde ustaǵan.

Ol 1 aptadaı qonaq úıge turaqtap, onda kespe (lapsha) taǵamdaryn jeıdi. Bir kúni onyń kenetten ystyǵy kóteriliedi. Biraq ol kómekke eshkimdi shaqyrmaıdy. Aýrý seıilmegennen keıin Sıao onlaın-dárigerdiń kómegine júginedi. 

– Men kenetten dene qyzyýymnyń kóterilgenin sezip, shara qoldanýǵa kiristim. Dáriger joǵarǵy tynys joldarynda ınfeksııanyń belgileri bolýy múmkin ekenin aıtyp, aýrýhanaǵa barýǵa keńes berdi,  – deıdi qytaılyq azamat. 

Keıinnen Qytaı úkimeti Sıao turaqtaǵan qonaq úıdi jaýyp tastaǵan. Sodan ol dosynyń úıine barýǵa májbúr boldy. Sol ýaqytta Sıao qatty jótelmen aýyryp, dosynyń da dene qyzýy kóterilip, ýaqytsha aýrýhanaǵa jatqyzylǵanyn habarlady. 

Ol aqpannyń 4-i kúni koronavırýs juqtyrǵanyn biledi. Qazirgi tańda jas jigit aýrýdan aıyǵyp, qalpyna keldi. Sıao ári qaraı koronavırýsty zertteý úshin qan tapsyrýdy josparlap otyrǵanyn aıtty.