tengrinews.kz
QR SIM Saýd Arabııasynyń týrıstik vıza berýdi toqtatýyna baılanysty túsinik berdi. Bul týraly syrtqy ister mınıstrligi habarlady.
QR Syrtqy ister mınıstrligi Taıaý, Orta Shyǵys jáne Afrıka departamentiniń dırektory Erjan Muqashpen kezdesý barysynda ekijaqty yntymaqtastyqtyń ózekti máseleleri, onyń ishinde Qazaqstan men Saýd Arabııasy arasyndaǵy saýda-ekonomıkalyq jáne mádenı-gýmanıtarlyq baılanystardy damytý máseleleri talqylandy.
Elshi Saýd Arabııasy bıliginiń birqatar elderdiń azamattary úshin elektrondyq týrıstik vızalardy berýdi ýaqytsha toqtatý jónindegi taıaýdaǵy sheshimi týraly máselege túsinikteme berdi.
– A. Ál-Daýd ýmra jasaý úshin qajylyq vızalardy, sondaı-aq týrıstik vızalardy berý búkil álem boıynsha koronavırýs indetiniń keń taralýyna baılanysty toqtatylǵanyn rastady. Bul shara ýaqytsha jáne Koroldikke keletin álemniń barlyq musylmandaryn qorǵaýǵa baǵyttalǵan. Sonymen qatar, ol vızanyń iskerlik jáne basqa da túrlerin berý toqtamaǵanyn jetkizdi, – dedi mınıstrliktiń baspasóz qyzmeti.
Saýd Elshisiniń aıtýynsha, azamattarǵa kirý toqtatylǵan memleketterdiń tizimi álemde koronavırýstyń taralýy boıynsha jaǵdaıdyń ózgerýine baılanysty jańartylyp turady. Sonymen qatar, bul tizimge Qazaqstanmen qatar Ortalyq Azııanyń basqa da elderi engizilgenin atap ótti.
Kezdesý qorytyndysy boıynsha taraptar koronavırýstyń taralýyna baılanysty óz elderindegi epıdemıologııalyq jaǵdaı boıynsha ózekti aqparatpen almasýǵa ýaǵdalasty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir