Darıǵa Nazarbaeva: Biz óz jerimizdi eshkimge bermeımiz

Senat spıkeri Darıǵa Nazarbaeva Qazaqstannyń agrarlyq sektorynda el ekonomıkasynyń draıveri bolýdyń alǵysharttary bar ekenin atap ótti. Bul týraly tengrinews.kz habarlady. 

Senat spıkeri elimizde aýyl sharýashylyǵyn basqarý men ákimshilendirý júıesin qaıta qaraý, sondaı-aq, nysanaly ındıkatorlardy ózgertý qajet ekenin aıtty. 

– Ne sebepti  biz turǵyn úıler salyp, "dıplommen aýylǵa" memlekettik baǵdarlamasyn qarjylandyrýymyz kerek, eger ol jerde jumys bolmasa. Árıne, ol jerde bolashaq ta joq.  Bul baǵdarlamar bolashaǵy bar eldi mekenderge baǵyttalýy kerek. Tek osylaı ǵana nátıje kóre alamyz, al bul bolmasa, aqsha jelmen ushqandaı bolady, –  dedi Darıǵa Nazarbaeva parlamenttik tyńdalymda.

– Qurmetti áriptester, tyńdalymǵa qatysýshylar! Qazaqstannyń agrarlyq saıasatynyń negizgi mindeti, halyqty 80 paıyz azyq-túlikpen qamtamasyz etý. Bul ishki naryqty retteý, kiris kózin jaqsartý, jańa tehnologııalarǵa kóshý, barlyq zamanaýı talaptar men standarttarǵa sáıkes keletin joǵary sapaly ónim shyǵarý. Sol kezde bizdiń fermerlerge ártúrli mekemelerdi aralap, sapa sertıfıkatyn alý úshin qaǵaz jınaý qajet bolmas edi,– dep Nazarbaeva óz sózin jalǵastyrdy.

– Barlyq sheshimder muqııat qaralyp, jasalýy kerek. Qazaqstan – bizdiń jerimiz. Biz jerimiz úshin ata-babalarymyz ben urpaqtarymyzdyń aldynda jaýaptymyz. Sonymen qatar jerimizdi eshkimge bermeımiz. Bizde syrtqy dushpandar joq. Naǵyz dushpanymyz – jaýapsyzdyq, biliksizdik, qaǵaz túrindegi esepterge ıkemniń joqtyǵy, kúndelikti oqıǵalarǵa degen nemquraılyq,– dedi senat spıkeri Darıǵa Nazarbaeva.