• USD 413.12
  • EUR 452.86
  • RUB 5.82
  • CNY 57.92

28 Aqpan, 2020 NEWS

Prokýratýra Aǵadildiń máıiti túsirilgen vıdeoǵa qatysty málimdeme jasady

Ashyq derekkóz

Áleýmettik jelide tergeý ızolıatorynda qaıtys bolǵan elordalyq belsendi Dýlat Aǵadildiń máıiti túsirilgen vıdeo taraǵan. Búgin atalmysh vıdeoǵa qatysty Bas prokýratýra brıfıng ótkizdi.

Bas prokýrordyń orynbasary Eldos Kelimjanov atalmysh vıdeo Dýlat Aǵadildiń týystarynyń ruqsatynsyz jarııalanǵanyn eskertti. 

– Jelide taraǵan vıdeoda máıitte kógergen daqtar bary týraly aıtylady. Ony dene jaraqaty dep aıtady. Munda onyń paıda bolý sebebin túsindire alatyn mamandar bar. Máıittegi daqtar - bul bıologııalyq ólimniń belgileri. Medısınalyq tilmen aıtqanda, daqtar adamnyń júregi toqtaǵannan keıin keminde bir saǵat ótkennen keıin paıda bolady, – deıdi Nur-Sultan qalasy prokýrorynyń orynbasary Eldos Qelimjanov.

Sondaı-aq Eldos Kelimjanov sot medısınalyq saraptamasyna Dýlat Aǵadildiń advokaty men onyń aǵasy qatysqanyn aıtty. 

– Marqumnyń aǵasy men advokat Azanov saraptama qorytyndysyna shaǵymdanǵan joq. Máıitti saraptaý men zertteý barysy vıdeoǵa túsirildi. Etıka talaptaryna baılanysty jáne týystary ruqsat bermegendikten vıdeony jarııalaı almaımyz. Buǵan deıin saraptamanyń aldyn ala qorytyndysyn aıtqanbyz. Aǵadil júrek qantamyrlarynyń jetispeýshiliginen qaıtys bolǵan, – dedi Kelimjanov.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir