• USD 468.56

  • EUR 497.56

  • RUB 7.3

  • CNY 67.18

29 Naýryz, 09:10:03
Almaty
+35°

Koronavırýsqa baılanysty Japonııanyń Iokogama portynda  eki apta karantınde turǵan "Diamond Princess"  kemesindegi Qyrǵyzstan azamaty koronavırýs juqtyrǵan. Bul týraly Bishkekte ótken baspasóz máslıhatynda Qyrǵyzstan syrtqy ister mınıstriniń orynbasary Nurlan Abdrahmanov málim etti, dep habaralady Azattyq Radıosynyń Qyrǵyzstandaǵy qyzmeti. 

Olardyń jazýynsha,  Qyrǵyzstan azamatynyń vırýs juqtyrǵanyn 26 aqpanda tapsyrǵan saraptama qorytyndysy kórsetken. Qazir qyrǵyz azamaty Japonııadaǵy aýrýhanalardyń birinde ońasha palatada em qabyldap jatyr. Qyrǵyzstannyń Japonııadaǵy elshiligi qyrǵyz azamatymen turaqty túrde habarlasyp, jaǵdaıyn baqylap otyr.

Diamond Princess kemesi 5 aqpannan beri eki apta boıy Iokogama portynda karantınde turdy. Japonııa bıligi 19 aqpanda karantın merzimi aıaqtalǵanyn habarlap, koronavırýs anyqtalmaǵan jáne onyń belgileri joq 500 jolaýshynyń jaǵaǵa shyǵýyna ruqsat berdi. Keme ishinde 50 elden 3700 adam bolǵan. Laınerde 500-den astam adam vırýs juqtyrǵan. Bul Qytaı shekarasynan tys aýmaqta Covid-19 vırýsyn juqtyrǵandardyń eń úlken shoǵyry.

Bul kemede tórt Qazaqstan azamaty da boldy. Qazaqstan syrtqy ister mınıstrligi karantındegi Diamond Princess kemesinde bolǵan Qazaqstannyń tórt azamaty: eki áıel eki nemeresimen 21 aqpanda jaǵaǵa shyqqanyn, olarǵa vırýs juqpaǵanyn habarlaǵan bolatyn. Olar osy apta basynda Qazaqstanǵa oralǵan. Densaýlyq saqtaý mınıstrliginiń aıtýynsha, olar 14 kúndik karantınge jiberilgen.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir