Atyraý oblysynda kólik apatynan 5 adam qaıtys boldy

Atyraý oblysynda eki kólik qaqtyǵysynan 5 adam qaza  tapty. Bul týraly polisia.kz habarlady. 

Búgin tańerteń Atyraý oblysynda Teńiz vahtalyq kentinen 25 shaqyrym jerdegi "Qulsary-Teńiz" tas jolynda eki kólik soqtyǵysqan. Nátıjesinde 5 adam kóz jumdy. 

Reseılik tirkeýdegi "Chevrolet Aveo" markaly avtokóliginde 4 adam bolǵan. Barlyǵy oqıǵa ornynda qaıtys boldy. Qarama-qarsy baǵytta kele jatqan ekinshi "Lada2131" kóliginde Batys Qazaqstan oblysynyń turǵyndary bolǵan. Júrgizýshi sol mezette alǵan aýyr jaraqatynan kóz jumdy. Al ekinshi jolaýshy aýrýhanaǵa jetkizildi.

Sotqa deıingi tergeý 345- babtyń 4-bóligi "abaısyzda eki nemese birneshe adamnyń ólimine ákep soqqan jol erejelerin buzý" boıynsha júrgizilýde.