28 Aqpan, 2020 NEWS

Saýd Arabııa Qazaqstandy koronavırýs kóp taraǵan memleketter tizimine qosty

Sýret: shutterstog

Saýd Arabııa koronavırýsqa baılanysty jeti memlekettiń azamattaryna elektrondy vıza berýdi ýaqytsha toqtatty. Bul tizimniń ishinde Qazaqstan da bar. Bul týraly Saýd Arabııanyń SPA aqparat agenttigi habarlady. 

"Koronavırýstyń taralýyn aldyn alý maqsatynda Qytaı, Japonııa, Sıngapýr, Malaızııa, Ońtústik Koreıa, Italııa jáne Qazaqstan azamattaryna elektrondy vıza berý ýaqytsha toqtatyldy. Sonymen qatar atalmysh el azamattary Saýd Arabııanyń áýejaılarynan týrıstik vıza ala almaıdy" dep  jazylǵan SPA aqparat agenttigi taratqan habarlamada.

Qazaqstannyń koronavırýs indeti jaılaǵan elder qataryna qalaı kirgeni áli belgisiz. Búgingi kúnge deıin Qazaqstanda koronavırýs juqtyrǵandar tirkelmegen. 

Resmı derek boıynsha, Saýd Arabııasynda koronavırýs tabylmaǵan. Alaıda vırýs Taıaý Shyǵys elderinde, onyń ishinde Iranda jyldam tarap barady. Sońǵy derek boıynsha, munda COVID-19 vırýsynan 26 adam kóz jumǵan. 

27 aqpanda Saýd Arabııasy jyl saıyn álemniń túkpir-túkpirinen mıllıondaǵan adam qajylyq sapar jasaıtyn Mekke men Mádınaǵa ushatyn reısterdi toqtatqan bolatyn.

 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir