• USD 389.52
  • EUR 429.21
  • RUB 6.07
  • CNY 54.94
07 Sáýir, 05:22:13
Shyńjańdyq dúngen: Dereý qazaqtardan keshirim surańdar! (aýdıo)

27 Aqpan, 2020 NEWS

Kimder emhana men dárihanalarda tegin dári-dármek ala alady?

skrınshot

Medısınalyq saqtandyrý júıesindegi qazaqstandyqtar jáne kámeletke tolmaǵan jasóspirimder emhanalar men dárihanalarda tegin dári-dármek ala alady. Bul týraly densaýlyq saqtaý mınıstri Eljan Birtanov BAQ ókilderimen kezdesý kezinde aıtty.

– Biz kommersııalyq dárihanalarda tegin dári-dármek alatyn júıede boldyq. 2015 jylǵa deıin kommersııalyq dárihanalar bizden aqsha alyp otyrdy. Olar dári-dármek qunynan bólek 25%-ǵa deıin qosymsha aqsha alyp otyrdy. Meniń oıymsha, bul sumdyq aldaý. Sondyqtan biz bul 25%-dy bireýge bergennen góri, arnaıy emhanadan árbir naýqas dári-dármegin alyp, em qabyldasa deımiz. Bolashaqta biz kez kelgen dárihanadan dári-dármekti qoljetimdi baǵada ala alatyndaı júıege oralǵymyz keledi, – dedi Birtanov.

Qazir dárihanalar arasynda tender ótkizilmeıdi. Eger dári-dármekter resepteri bolsa, barlyq dárihanalar tegin dári-dármekpen qamtamasyz etiledi.

– Biz býhgalterlik esepti kórý úshin búkil júıeni sıfrlandyrýymyz kerek. Iаǵnı, zań buzýshylyqtarǵa jol bermeý úshin tegin elektrondy reseptter júıesin jasadyq, endi ony bıylǵy jyly jeke dárihanalarda synaqtan ótkizip jatyrmyz, bul 2 jylǵa sozylady, – dedi mınıstr.

Sondaı-aq mınıstr qazirgi ýaqytta úıge jedel-járdem qyzmetkerlerin shaqyrǵan kezde, antıpıretıkalyq preparattardy qabyldaý problemasy týyndap jatatynyn atap ótti.

– Biz bul máseleni bilemiz jáne onymen jumys jasaýdamyz, biraq adamdarǵa kómek qajet bolǵanda jaqyn mańda ornalasqan dárihana nemese emhanaǵa barýy kerek. Jaqyn arada bul máseleniń sheshimin tabamyz, – dep sendirdi mınıstr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir