• USD 389.52
  • EUR 429.21
  • RUB 6.07
  • CNY 54.94
07 Sáýir, 06:35:23
Shyńjańdyq dúngen: Dereý qazaqtardan keshirim surańdar! (aýdıo)

27 Aqpan, 2020 NEWS

Koreıadaǵy qazaqstandyqtarǵa arnalyp jedel shtab pen jeli, WhatsApp-ta chat iske qosyldy

Foto: liter.kz

COVID-2019 koronavırýsynan týyndaǵan epıdemııanyń taralýyna baılanysty QR Bas sanıtarlyq dárigeriniń qaýlysymen epıdemııalyq qolaısyz elderdiń sanattary jańartyldy. Bul týraly Nur-Sultanda ótken brıfıng barysynda Qazaqstan Syrtqy ister mınıstrliginiń resmı ókili Aıbek Smadııarov málim etti.

QR Syrtqy ister mınıstrligi Qazaqstan azamattaryna birinshi sanattaǵy elderge barýdan bas tartýǵa shaqyryp, ekinshi sanattaǵy elderge josparlanǵan saparlaryn múmkindiginshe keıinge shegerýdi usyndy. Qazirgi ýaqytta joǵaryda atalǵan sanattardaǵy elderde júrgen qazaqstan azamattaryn barlyq medısınalyq saqtyq sharalaryn saqtap, sondaı-aq elge oralǵannan keıin QR Densaýlyq saqtaý mınıstrliginiń karantındik rejımdi saqtaý jónindegi usynymdaryn ustaný qajettigine nazar aýdardy.

Sondaı-aq mınıstrlik týrısttik fırmalar, uıymdar men kompanııalardy óz tutynýshylary men áriptesterine atalǵan elderge týrısttik, qyzmettik jáne basqa da maqsattardaǵy saparlar shektelgenin jetkizýge shaqyrady.

Koronavırýs keń taralǵan elderdegi Qazaqstan azamataryna qatysty birneshe shara qolǵa alynýda.

– Bizdiń Seýldaǵy Elshilik tarapynan azamattarymyzdy Ońtústik Koreıadaǵy koronavırýsqa qatysty aqparattandyrý boıynsha birqatar sharalar qabyldady. Dıplomattarymyz otandastarymyzben messendjer, áleýmettik jeliler arqyly baılanys ornatyp, qajetti aqparatty resmı ınternet-resýrstarda ornalastyrý arqyly jáne telefon arqyly habarlaýda, –  dedi mınıstrlik ókili.

Aıbek Smadııarovtyń aıtýynsha, jedel shtab, WhatsApp messendjerinde arnaıy chat qurylyp, táýlik boıy jedel jeli telefony jumys isteýde. Qazaqstan azamattaryn konsýldyq esepke alý jumysy kúndelikti júrgizilip jatyr.

Búgingi tańda Ońtústik Koreıada Qazaqstannyń 35 myńnan astam azamaty bar, onyń ishinde shamamen 12 myń adam zańsyz júrgender. Al konsýldyq esepte nebári 848 adam tur.

–  Belgili bolatyndaı, 1 naýryzdan bastap Qazaqstan men Ońtústik Koreıa arasyndaǵy reıster qysqartylatyn bolady. Osyǵan baılanysty, Ońtústik Koreıada júrgen azamattarymyzdy osy shekteý kúshine engenge deıin elge oralýǵa shaqyramyz.

Qazaqstannyń Italııadaǵy Elshiliginde de jedel shtab qurylyp, ol bizdiń azamattarymyzdy messendjer men áleýmettik jeliler arqyly, elshiliktiń resmı saıty men jedel jeli telefondary arqyly aqparattandyryp otyrady, –  dedi ol.

Mınıstrlik málimetinshe, Italııada qazir 1800-ge jýyq QR azamaty turady. Olardyń 673 ǵana konsýldyq esepke turǵan. Sońǵy aqparatqa sáıkes, vırýs juqtyrǵandar arasynda Qazaqstan azamattary joq.

–  Irandaǵy Qazaqstan dıplomattary da eldegi epıdemııalyq jaǵdaıdy baqylaýda jáne barlyq azamattarymyzben baılanysta. Vırýs juqtyrǵandar arasynda Qazaqstan azamattary joq. Qazirgi ýaqytta Iran aýmaǵynda 170 azamatymyz ýaqytsha turýda. Konsýldyq esepte 119 azamatymyz bar. Ár dúısenbi saıyn Tegeran –  Almaty –  Tegeran reısi qatynap keldi. Qazirgi ýaqytta áýe qatynasy toqtatyldy, –   dep aıtty mınıstrlik ókili.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir