27 Aqpan, 2020 Álem

Ońtústik Koreıada bir kúnde koronavırýstyń 334 jaǵdaıy tirkeldi

Foto: tass

Koreıa Respýblıkasynda koronavırýsqa shaldyqqandar sany 334 adamǵa artyp, 1595-ke jetti. 12 adam qaıtys boldy. Bul týraly Koreıa densaýlyq saqtaý mınıstrligine qarasty syrqatty baqylaý men profılaktıka ortalyǵy habarlady, dep jazady TASS.

Ońtústik Koreıa koronavırýs juqtyrǵandar sany boıynsha álemdegi ekinshi memleketke aınalyp otyr. Sońǵy táýlikte vırýsqa shaldyqqandar sany Qytaıdaǵy jeltoqsanda tirkelgen kórsetkishke jýyqtaǵan.

Qytaıda ótken táýlikte 433 adamnyń vırýsty juqtyryp, 29 adamnyń kóz jumǵany belgili boldy.

Koronavırýs epıdemııasy shyqqaly 2744 adam ajal qushyp, 78,4 myń adam vırýsty juqtyrǵan. 32,4 myń adam aýrýdan tolyq emdelgen.

Sońǵy kúnderi koronavırýstyń taralý aımaǵy keńeıe túsken. Taıaýda Grýzııa syrqattyń alǵashqy jaǵdaıy tirkelgenin habarlady. Grýzııa densaýlyq saqtaý mınıstri Ekaterına Tıkaradze Irannan Ázerbaıjan arqyly el aýmaǵyna ótken azamattan vırýstyń anyqtalǵanyn málim etti.

Sondaı-aq Pákistanda syrqattyń eki jaǵdaıy anyqtalǵan. Vırýsty juqtyrǵan eki azamat ta jýyrda Iranda bolyp qaıtypty.

Sonymen qatar koronavırýs Brazılııa, Norvegııa, Rýmynııa, Grekııa, jáne Soltústik Makedonııada tirkelgen.

Búginde atalǵan vırýs ınveksııasy 48 elde anyqtalyp otyr. Dúnıejúzilik densaýlyq saqtaý uıymy Ońtústik Koreıa, Italııa jáne Iran elderi sııaqty aýrý oshaqtaryndaǵy jaǵdaılarǵa qatty alańdaýly.

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir