"Túrgen aýyly tolyqqandy sýmen qamtamasyz etilýde“

24-shi aqpanda Almaty oblysyna qarasty Túrgen aýylynda turǵyndardyń 3 apta boıy sýsyz otyrǵanyn Qamshy.kz aqparat agenttigi habarlaǵan bolatyn. Nátıjesinde halyqtyń jan-aıqaıy basshylyqtyń nazaryna iligip, aýyl turǵyndary tolyqqandy sýmen qamtamasyz etilgeni anyqtaldy.

Aǵymdaǵy jyldyń 18-25 aqpan aralyǵynda «Qonaev» atyndaǵy ÚAK Túrgen toptyq sý torabyndaǵy bastapqy sý qabyldaý ornynda taýdan keletin sý kóleminiń  azaıý  sebebinen, Túrgen aýylynyń Shynasyl Bórke kóshesinde  aýyz sý tapshylyǵy oryn alǵan. Okrýg ákimi apparaty tarapynan aǵymdaǵy jyldyń 19 aqpanynda komıssııa qurylyp, joǵaryda kórsetilgen sý qabyldaý ornynda kúndelikti shyǵyp, sý deńgeıiniń kólemine baqylaý júrgizdi.

Búgingi tańda Túrgen toptyq sý torabyndaǵy bastapqy sý qabyldaý ornynda sý deńgeıi kóterilip, Túrgen aýyly tolyqqandy sýmen qamtamasyz etilýde.

Almaty oblysy ákimine Qamshy.kz aqparat agenttigi arqyly ótinish bildirgen Aladın Mustafaev 2015-2020 jyldarǵa arnalǵan sharýashylyq esep dápterinde jáne «E-halyq» aqparattyq júıesinde Túrgen aýylynyń turǵyny retinde tirkelmegen. Sonymen qatar ol okrýg ákimi apparatyna  atalǵan  másele boıynsha jazbasha jáne aýyzsha ótinish bildirmegen.