"Dýlat Aǵadildiń ólimine polısııa da, UQK de kináli emes"

Dýlat Aǵadildiń ólimine polısııa da, UQK de kináli emes. 30 jylda qalyptasqan júıe kináli. Biz quqyqtyq memleket emes, UQK, Polısııa bıligin qurdyq. Kúshtik qurylymdar memlekettiń, Qazaqstan azamattarynyń bas-amandyǵynan kóri bıliktiń qaýipsizdigin, jeke múddelerin ǵana qorǵaıtyn jendetterge aınalyp otyr. Quqyq saltanat qurǵan demokratııalyq el bolǵanymyzda azamattyq pikirin bildirip, qarsy shyqqany úshin typ-tynysh úıinde jatqan adamnyń shańyraǵyna basa-kóktep kirip, beınebir qandyqol qaraqshyny nemese zııankes terrorısti ustaǵandaı qolyn qaıyryp, kisen salyp tún ortasy qaqaǵan aıazda kúshtep aıdap ákete alar ma edi? Basqa órkenıetti elde adam ólimin bylaı qoıǵanda, osylaı qaraqshylyq jolmen alyp ketkendikteri úshin kem degende ishki ister mınıstri otstavkaǵa keter edi.

Saıası, quqyqtyq reformany talap etken qoǵamdyq keńes músheleriniń sońǵy jaǵdaılarǵa kópshiligi únsiz. Al ataǵynan at úrketin múıizi qaraǵaıdaı aqyn, jazýshylar, juldyz ánshiler mundaıda kórinbeıdi. Al júz myńdap aılyq alyp otyrǵan depýtattardan onsyz da qaıyr joq.

Quqyqtyq memleketke aınalmaı bul osylaı jalǵasa beredi. Komıssııa qurylar, ary ketse birneshe buıryqty oryndaǵan jendet kináli dep tabylar. Budan ne ózgeredi?! Biraq reaktıv memlekette solaı!

Qaırat Joldybaıuly

Eskertý: Avtordyń kózqarasy redaksııa ustanymyn bildirmeıdi!