Mektepte jalaqyny keshiktirgender tártiptik jaýapkershilikke tartylady

Jalaqyny esepteıtin onlaın-kalkýlıator (https://zp.fvr.kz/) iske qosylǵaly, bir aı ishinde mektepke deıingi jáne orta bilim berý mekemeleriniń ókilderi shamamen 1 500 000 ret jalaqylaryn ózdiginen eseptep, tıisti qarajatyn anyqtaǵan. Bul týraly QR Bilim jáne ǵylym mınıstri Ashat Aımaǵambetov mınıstrliktiń apparattyq keńesinde aıtty. Jınalys vedomstvanyn Facebook-tegi resmı paraqshasynda tikeleı efırden kórsetildi.

Sondaı-aq, mınıstrdiń aıtýynsha, keı óńirlerde pedagogter óz jalaqylaryn tolyq ári ýaqytyly ala almaı otyr. Osyǵan oraı, vedomstva basshysynyń tapsyrmasyna sáıkes, apta sońyna deıin barlyq aımaqtarda qyzmettik tekseris júrgizilip, tıisti sharalar qoldanylady.

– Jalaqy tóleýde ne sebepti keshiktirýler oryn alýda? Mınıtrliktiń komıtetteri ár óńirde tekseris júrgizýi tıis. Mán-jaıdy anyqtap, jaýaptylardy tártiptik jaýapkershilikke tartý kerek. Máseleni baqylaýda ustańyz, – dedi Ashat Aımaǵambetov vıse-mınıstr Bıbigúl Asylovaǵa.

QR BǴM baspasóz qyzmeti