• USD 468.56

  • EUR 497.56

  • RUB 7.3

  • CNY 67.18

28 Naýryz, 22:33:20
Almaty
+35°

25 aqpanda Semeı polısııasy Nur-Sultan qalalyq tergeý ızolıatorynda jumbaq jaǵdaıda kóz jumǵan belsendi Dýlat Aǵadildiń jerleý rásimine barmaq bolǵan eki belsendini temir jol stansııasynda ustady dep habarlaıdy Qamshy.kz aqparat agenttigi Azattyq deregin negizge alyp.

JSDP partııasy Semeı bólimshesiniń tóraǵasy Rollan Mashpıevtiń aıtýynsha, seısenbi kúndiz belsendi Kenjebek Sultanbekov pen Erlan Keńeshbaevtyń úıine polısııa shaqyrtý qaǵazyn jibergen (Keńeshbaev úıinde joq bolǵan, Sultanbekov qazaqsha shaqyrtý qaǵazyn talap etken). Al keshke jaqyn Aqmola oblysyna jol júrý úshin temir jol vokzalyna barǵan kezde ekeýin ustap áketken. Polısııa buǵan qosa, olardy shyǵaryp salmaq bolǵan belsendilerdiń biri Isa Jumaǵazındi de basqarmaǵa jetkizgen.

– Erlan Keńeshbaev sál erterek vokzalǵa barǵan edi. Biz Kenjebek bárimiz sosyn bardyq. Vokzalǵa kelip, mashınadan túskenimiz sol edi, polısııa qyzmetkerleri júgirip kelip, Kenjebekti toqtatpaqshy boldy. Birden "júrińizder" dep ákete bastady. Ne qujattaryn kórsetpedi, julqylap ustaı bastady. Bastapqyda formasyz adamdar ustady. Keıinnen forma kıgenderi kelip, ákete bastady. Zań talaptaryn aıttyq. Oǵan da qaraǵan joq. Bul jerde onnan astam adam boldy ǵoı deımin. Bárimizdi ıterip, polısııa kóligine otyrǵyzyp alyp ketti, – deıdi Rollan Mashpıev.

Onyń aıtýynsha, polısııa basqarmasyna úsheýin de aparǵan. Onda Sultanbekovtiń qan qysymy kóterilip, dárigerler shaqyrylǵan. Buǵan qosa, ustaý kezinde Keńeshbaev pen Jumaǵazınniń "omartqasy men keýde tusy aýyryp qalǵandyqtan" jedel járdem kóligi shaqyrtylǵan. Polısııa basqarmasy olardan suraq-jaýap alyp úlgermegendikten "tergeýdi" 26 aqpan keshki 18:30-ǵa taǵaıyndaǵan.

– Úsheýin de Facebook-taǵy QDT jaıly jarııalanǵan jazbaǵa qatysty shaqyrtqan, – dedi Rollan Mashpıev.

Másele týraly Semeı qalalyq polısııa basqarmasy ázirge túsinik bermedi.

Dál osy kúni О́skemende de polısııa Aǵadildiń janazasyna barmaq bolǵan keminde eki turǵyndy ustaǵan. О́skemendik quqyq qorǵaýshy Indıra Kákimova feısbýktaǵy paraqshasynda belsendiler Baqytbek Qapaev, Aıdar jáne Aıdyn Baısaǵatovtardy 25 aqpanda jergilikti polısııaǵa aparyp, birneshe saǵattan soń bosatqanyn habarlady. Olar 26 aqpanda jergilikti prokýratýraǵa polısııanyń zańsyz áreketine shaǵymdanǵan. Belsendilerdiń ózderinen pikir alýdyń sáti túspedi.

Dál osyǵan uqsas oqıǵa Shymkentte de boldy. Munda túngi saǵat 22:30 shamasynda polısııa belsendiler Marat Qasymbekov, Dýlat Pralıev pen Marat Dúısenbıevti Túrkistan oblysy Túlkibas aýdanynyń aýmaǵynda ustaǵan.

Belsendi Marat Qasymbekovtyń aıtýynsha, Nur-Sultanǵa Marat Dúısenbıevtiń kóligimen jolǵa shyqqan. Shymkentten shamamen júz shaqyrym júrgennen soń Túrkistan oblystyq polısııa departamentiniń jol-potrýldik polısııasy toqtatyp, «jyldamdyqty asyrdyńdar» dep ýáj aıtqanymen aıyppul salmaǵan. Jarty saǵattan soń Shymkent qalalyq polısııa departamentiniń qyzmetkerleri kelip, olardy Shymkenttegi Qarataý aýdandyq polısııa bólimine jetkizgen.

– Qarataý aýdandyq polısııa bóliminen túngi saǵat úshte shyqtyq. Bul – belsendilerdi Nur-Sultanǵa Dýlat Aǵadildiń janazasyna jibermeýdiń amaly. Polısııa Qazaqstan terrıtorııasynda emin-erkin júrip-turý týraly quqyǵymyzdy buzyp otyr. Dýlat Aǵadilmen tanyspyn. Bir dastarhannan dám tatqan edik. Qaltamyzda qarý joq, nıetimiz túzý. О́z oı-pikirimizdi aıtyp júrgenimiz úshin janazaǵa jibermeı otyr, – deıdi Qasymbekov.

Aǵadildiń qazasynan soń Nur-Sultanda, Almatyda, Shymkentte, Aqtóbede belsendiler polısııa departamentine jınalyp, Aǵadildiń júrek talmasynan qaza boldy degenge kúmán keltirdi. Olar bul jaǵdaıǵa qazirgi bılik jaýapty dep, Qaýipsizdik keńesiniń basshysy Nurcultan Nazarbaevtyń jáne senat spıkeri Darıǵa Nazarbaevanyń otstavkaǵa ketýin jáne úkimettiń taraýyn talap etti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir