QR Statıstıka komıteti 2019 jyl qorytyndylary boıynsha medıandyq (jumysqa qabiletti turǵyndardyń jartysy aratyn jalaqy) jáne modaldyq (jumysqa qabiletti turǵyndar arasynda kóp kezdesetin jalaqy) derekterdi jarııalady.

Ranking.kz saıtynyń jazýynsha, jumysqa qabiletti qazaqstandyqtardyń jartysy, ıaǵnı, 3,3 mln adam 112,2 teńge jalaqy alady. Bir jylda medıandyq jalaqy 5,6 paıyzǵa (5,9 myń teńge), qymbatshylyq 5,4 paıyzǵa artqan.

Eldegi ortasha jalaqy – 203,9 myń teńge. Bul soma medıandyq jalaqydan shamamen eki esege artyq.

Ortasha jalaqy men medıandyq jalaqynyń alshaqtyǵy úlken bolǵan saıyn, eńbekaqy teńsizdigi men tómengi jalaqy alatyndar úlesi joǵaryraq bolady.

Ortasha jalaqy men onyń dınamıkalyq ósimi negizinen joǵary jalaqyly qyzmetkerler esebinen jasalyp, solardyń esebinen ósedi. Alaıda ol qyzmetkerler jalaqysy turǵyndardyń kóp bóligi alatyn medıandyq jalaqyǵa áser etpeıdi.  

2019 jyldyń sońǵy toqsanyndaǵy kórsetkishke sensek, Nur-Sultandaǵy ortasha jalaqy 308,1 myń teńge, al medıandyq jalaqy 48 paıyzǵa tómen, ıaǵnı, 157 myń teńge. Almatydaǵy ortasha jalaqy 248,7 myń teńge, medıandyq jalaqy 141,4 myń teńge kóleminde.

Statıstıka komıtetiniń dereginshe, modaldyq jalaqy el boıynsha 58 034 teńge shamasynda.