• USD 468.56

  • EUR 497.56

  • RUB 7.3

  • CNY 67.18

29 Naýryz, 05:12:15
Almaty
+35°

Túrmede jazasyn ótep jatqan Gúlnár Karımova О́zbekstan prezıdenti Shavkat Mırzııaevke ashyq hat jazdy. Ol 686 mıllıon dollar berýge daıyn ekendigin habarlaǵan.

Hattyń mátinin Gúlnár Karımovanyń Londonda turatyn 22 jastaǵy qyzy Iman Karımova óziniń Instagram paraqshasyna jarııalady.

"Men sizge, elimizdiń basshysyna kópten beri tanıtyn adam retinde úlken úmitpen hat jazyp otyrmyn. Meniń janaıqaıymdy estıdi dep úmittenem. Osy ýaqytqa deıin birneshe ret túrmeden-túrmege kóshtim. Barlyǵyn oı eleginen ótkizip, sheshim qabyldaýǵa uzaq ýaqytym boldy", - dep jazǵan Karımova. 

Sondaı-aq Mırzııaevke jazǵan hatynda Karımova bir túrmeden ekinshi túrmege sheksiz aýysýlarǵa jáne О́zbekstannyń Konstıtýsııasy men Qylmystyq is júrgizý kodeksin buzýmen jalǵasyp jatqan qylmystyq isterge shaǵymdanady.

Gúlnár Karımova ózine jáne balalaryna tıesili múlikterdiń jalpy quny 1,2 mıllıard dollar tárkilegenine qaramastan, olar «materıaldyq shyǵyndy» óteýge eseptelmegenin málimdedi. 

"Otbasym men densaýlyǵymdy saqtaý úshin Shveısarııadaǵy barlyq múlkimdi memleket paıdasyna bere otyryp, 686 mıllıon dollar tóleýge daıynmen", - delingen hatta.

Karımova «memleket bul máselege jaqsy paıda kórýi múmkin jáne aıtarlyqtaı mólsherde qarajatty gýmanıtarlyq jobalarǵa (medısına, bilim berý jáne t.b.) jarata alady» dep jazǵan.

Hattyń sońynda Karımova densaýlyǵy nasharlaǵanyn, sondyqtan ota jasatý qajet ekenin aıtady.

"Joǵaryda aıtylǵan sebepterge baılanysty meniń úndeýim ashyq túrde jarııalanady dep úmittenemin jáne de buǵan deıin jazǵan resmı hattarymnyń sizdiń qolyńyzǵa jetpegenine senimdimin. Biz 7 jyldan soń bala-shaǵamyzben birge ómir súre alatynymyzǵa senemiz jáne bul úshin sizge rızashylyǵymyzdy bildiremiz", - dep jazdy Gúlnár Karımova. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir