• USD 389.52
  • EUR 429.21
  • RUB 6.07
  • CNY 54.94
07 Sáýir, 05:31:43
Shyńjańdyq dúngen: Dereý qazaqtardan keshirim surańdar! (aýdıo)

25 Aqpan, 2020 Saıasat

Abaı toıynyń aqyry:  Qazaqtyń ǵulamasyn orystyń «qoqsyǵyna» teńeý kimge kerek?

Taqyrypty dál bulaı qoıýymyzǵa ap-ashy sebep bar. Sońǵy aqparattarǵa senseńiz, Hákim Abaıdyń aty endi el aýzynda orystyń «qoqsyǵy» atanǵan LADA Granta kólikterine berilmek. Úlken daqpyrttyń dańǵyry – aqynnyń mereıtoıy úshin dep tur.

Foto: kolesa.kz

Jat ta kúl, tur da kúl: arnaıy Abaı toıy úshin shyǵarylmaq bul "syılyq". Qazaqstan kólik óndirisiniń siz ben biz qabyldaı almaıtyn kórkem ıllıýzııasy osy.

"Abaıǵa" min de shaba ber. Qazaqtyń hákiminiń esimi endi orystyń kólik óndirisindegi «Granta» degen bir urpaǵyna at bolýǵa da "jarady" emes pe?!

Osy rette, qazaqstandyq «Azııa Avto» zaýytynyń "eńbegin" aıryqsha atap ótpeı bolmas. Olar Abaı toıy týraly tógilip maqala jazǵan Toqaevtyń: «Biraq munyń bári toı toılaý úshin emes, oı-órisimizdi keńeıtip, rýhanı turǵydan damýymyz úshin ótkizilmek» degen sózine «tiri» parodııa jasap berdi deýge de bolady.

a

«Parodııa» emeı nemene, onyń jyry da bastalar endi. Máselen, siz, alda-jalda sol arnaıy shyǵarylǵan kólikti satyp aldyńyz delik. Onsyz da saparda jurttyń senimi az artylatyn «Ladańyz» syr bermesine kim kepil. Sonda siz jaqynyńyzǵa: «shaǵylǵyr «Abai» jolda buzyldy» dep bir aıtarsyz áýeli. Sońyndaǵy «175» degen sıfr soryń qaınaǵan dalada ádirám qalyp. (Arnaıy shyǵarylǵan serııa «Abai 175» dep atalady – red.)

Múbádá, «Abaı» dep áspettegen álgi «Granta» aıdaýǵa kelmese she? Onda «Abaıdyń» astynan maı aǵyp tur» nemese «Abaı» qýyp tur» deıtin qýarǵan tirkester sizdiń kómeıińizde turýy lázim. Bálkim, ashýyń tússe «Abaıdy» órtep jibererdeı boqtarsyń kelip-kelip. Muny aıtqyzǵan orystyń «ádepsiz» kóligi sizge taǵy bir kúni: «Abaı» shirip ketti» dep aıtqyzbaıdy dep kim aıtty?!

Baqsańyz, Abaıǵa kórsetken qurmetimizdiń syıyq-syqpyty osy... "maıy aqqan "Abaı", "qýǵan "Abaı", "shirigen "Abaı". Sosyn "kóp aıdalǵan "Abaı", ókinishke qaraı. 

Mine, Memleket basshysy óz maqalasynda aıtqandaı, bizdiń «rýhanı jańǵyrý», «sanalyq ósý» eken bul.

Aıtpaqshy, Prezıdent sol maqalasynda taǵy: «Biz Abaıdyń 175 jyldyq mereıtoıyna qoǵamdyq sanany jańǵyrtatyn, bir el, tutas ult bolyp damýymyzǵa serpin beretin is-shara retinde zor mán berip otyrmyz» dep kórsetken edi.

Qaıtalap aıtamyz: "zor mán berip" dep tur. Endi nátıje deısiz be? Dap-daıyn ol da. Bizdiń qoǵam bolyp qatty "mán" bergenimizdiń arqasynda aqyn Abaıdyń aty avtokólik «Abaı»-ǵa aınaldy sóıtip. Ol tipti sizge «qoljetimdi» de. О́z "Abaıyńyzdy" aqpannan bastap 2 mln 820 myń teńgege satyp alyńyz da aıdaı jónelińiz. Maıy aqqansha aıdaı jónelińiz...

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir