Qytaıdyń mamandary koronavırýsqa baılanysty Qazaqstanǵa kire almaıdy

Koronavırýsqa baılanysty Qytaıdan kelgen 500-den astam qyzmetker jumys oryndaryna kele almaı otyr. Bul týraly energetıka mınıstri Nurlan Noǵaev  departament alqasynan keıin málimdedi.

– Bizde jer qoınaýyn paıdalanýǵa arnalǵan 260 kelisimshart bar, 800 ge jýyq maman osy munaı-gaz kompanııalarynda jumys isteıdi. Olardyń 350-i koronavırýstyń áserinen Qazaqstanǵa kire almaı otyr, – dedi Noǵaev.

Sonymen qatar, Atyraý oblysynda polıpropılen óndirisi jobasy júzege asyrylýda, oǵan 400 Qytaı azamaty tartylǵan.

– Búginde 161 Qytaı azamaty elge kire almaıdy. Biraq jergilikti atqarýshy organdary men eńbek jáne halyqty áleýmettik qorǵaý mınıstrligi ishki múmkindikterimizdi paıdalanýdy qamtamasyz etý úshin sharalar qoldanýda, – dep aıtty energetıka mınıstri.

Eske sala ketsek, buǵan deıin qytaılyq gaz kompanııalarynyń bir bóligi fors-major dep jarııalap, gaz baǵasy arzandaǵany týraly habarlanǵan bolatyn. Qytaı sonymen birge munaı ımportyn qysqartty, biraq bul baǵanyń tómendeýine ákeldi.