Foto: egemen.kz
Bul týraly Energetıka mınıstrliginiń alqa májilisinde aıtyldy, dep habarlaıdy Qamshy.kz aqparat agenttigi.
Belgili bolǵandaı, atalǵan óndiris orny Úlbi metallýrgııa zaýytynyń bazasynda salynyp jatyr. Jańa óndiris oshaǵy Qytaıdyń atom energetıka stansııasyna arnalǵan jylý shyǵaratyn qurylǵy jasaıdy.
Alqa májiliste «QazAtomО́nerkásip» ulttyq atom kompanııasy basqarma tóraǵasynyń óndiris jónindegi orynbasary Baýyrjan Ibraev alǵashqy ónimniń qaı ýaqytta shyǵatynyn da málim etti.
Naqtyraq aıtqanda, Qazaqstan usynatyn Qytaıdyń atom stansııasyna qajetti ónim 2021 jyldyń birinshi jarty jyldyǵynda shyǵady.
«Búginde «QazAtomО́nerkásip» qytaılyq CGN kompanııasymen birlese otyryp, Úlbi metallýrgııa zaýytynyń bazasynda Qytaıdyń atom energetıka stansııasyna arnap, jylý shyǵaratyn qurylǵy óndiretin zaýyt qurylysyn aıaqtaýǵa jaqyndady. Bul joba zaýyttyń ónimi jylyna 200 tonna jylý shyǵaratyn qurylǵy sata alady degen kepilge ıe. Alǵashqy ónimdi 2021 jyldyń birinshi jartyjyldyǵynda sertıfıkasııalaý jumystarynyń bári aıaqtalǵan soń, satylady degen boljam bar. Jylý shyǵaratyn qurylǵy óndirisi úshin bazalyq tehnologııa retinde fransııanyń Framatome tehnologııasy tańdaldy», - deıdi Baýyrjan Ibraev.
Ári qaraı oqyńyz: Qazaqstanda eńbek mıgranttarynyń 28 paıyzy Qytaı azamaty
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir