• USD 468.56

  • EUR 497.56

  • RUB 7.3

  • CNY 67.18

29 Naýryz, 14:37:01
Almaty
+35°

25 Aqpan, 2020 NEWS

609 eldimekendi sý basý qaýpi bar

Nur-Sultan qalasynda, Shyǵys Qazaqstan jáne Soltústik Qazaqstan oblystarynda jaǵdaıdyń qıyndaýy óte yqtımal

m.yk-news.kz

QR premer-mınıstri Asqar Mamınniń tóraǵalyǵymen ótken Úkimet otyrysynda ishki ister mınıstri Erlan Turǵymbaev aldaǵy sý tasqyny kezeńine daıyndyq, sý tasqyny aldyndaǵy jaǵdaı jáne sý tasqyny qateriniń aldyn alý jáne ony joıý boıynsha qabyldanyp jatqan sharalar týraly aıtyp berdi, dep jazady primeminister.kz.

E. Turǵymbaev atap ótkendeı, QR IIM mınıstrlik ortalyq jáne jergilikti atqarýshy organdarmen birlesip kóktemgi sý tasqyny kezeńinde tótenshe jaǵdaılardyń týyndaý qaýpin azaıtý boıynsha is-sharalar keshenin júrgizýde.

«Qazgıdromet» RMK-nyń aldyn ala boljam derekteri boıynsha eldegi qar qory men ózender basseınderindegi ylǵal qorynyń kólemi normadan aıtarlyqtaı joǵary. Qar basý prosesi jalǵasýda. Nur-Sultan qalasynda, Shyǵys Qazaqstan jáne Soltústik Qazaqstan oblystarynda jaǵdaıdyń qıyndaýy óte yqtımal.

– Qazir elimizde 609 eldi mekendi jáne 675 avtomobıl jolyn jáne 259 temir joldy sý basý qaýpi bar, – dedi mınıstr.

Sý basýdy boldyrmaý maqsatynda jergilikti atqarýshy organdar eldi mekenderden 8,8 mln tekshe metrden asa qar shyǵardy, JJM (qazir – 13,5 myń tonna), ınertti materıaldar (152,6 myń tonna), qum salynǵan qaptar (840 myń) men jarylǵyshtar (47 tonna) qory qalyptastyryldy. 

Tótenshe rezervterde 34 mlrd teńge kózdelgen.

Yqtımal sý basý jaǵdaıyna evakýasııalanatyn halyqty qabyldaıtyn 1700 beket ázirlendi, marshrýttar jańartyldy, qajetti kólik bólindi. Tirshilikti qamtamasyz etý úshin ákimdikter qajetti quraldardy (palatkalardy, tósekterdi), azyq-túlik pen aýyz sý qoryn daıyndady.

Sý tasqyny jaǵdaıynyń yqtımal qıyndaýyna jedel den qoıý maqsatynda ishki ister organdarynan jalpy sany 9 myń adam jáne 1730 birlik tehnıkadan arnaıy kúshter men quraldar toptamalary quryldy.

Búginnen bastap (bıylǵy 25-26 aqpanda) Nur-Sultan qalasynyń basqarý shtaby «Kóktem-2020» respýblıkalyq komandalyq-shtabtyq oqý-jattyǵý ótkize bastady, onyń barysynda jumyldyrylǵan kúshterdiń ázirligi tekseriletin bolady.

Sý tasqyny qaterleriniń aldyn alý jáne olardy joıý jónindegi 2017-2020 jyldarǵa arnalǵan Jol kartasy iske asyrylýda, bul ótken 3 jyl ishinde 437 eldi mekende sý basý qaýpin boldyrmaýǵa jáne 287 eldi mekende sý basý qaýip-qaterin barynsha azaıtýǵa múmkindik berdi.

Materıaldyq-tehnıkalyq jaraqtaý boıynsha Jol kartasy sheńberinde 900 birlik tehnıka, onyń ishinde motopompalar, júzý quraldary, jol talǵamaıtyn quraldar satyp alyndy.

"Qamshy" silteıdi
Ilmek sózder: kóktemgi sý basý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir