• USD 468.56

  • EUR 497.56

  • RUB 7.3

  • CNY 67.18

28 Naýryz, 15:40:18
Almaty
+35°

Almaty oblysynda kóp mólsherde mal urlap kelgen uıymdasqan top ustaldy. Qazirgi ýaqytta olarǵa 37 jylqyny qoldy etti degen aıyp taǵylyp otyr, dep habarlaıdy Qamshy.kz aqparat agenttigi.

Almaty oblysy PD baspasóz qyzmetiniń málimetinshe, tártip saqshylary ońaı oljany kózdep, mal urlaýmen aınalysqan  qylmystyq toptyń jymysqy áreketin áshkerelegen.

Belgili bolǵandaı,tergeý barysynda qańtar-aqpan aılarynda Eńbekshiqazaq, Kegen jáne Uıǵyr aýdandary aýmaǵynda bolǵan birqatar jylqy urlyǵyna qatysy bar degen kúdikpen 11 adam ustaldy.

«Ustalǵandardyń jeteýi – toptyń negizgi músheleri, ıaǵnı urlaý, urlanǵan maldy tasymaldaý solardyń mindeti bolǵan. Al, qalǵan tórteýi – qoldy bolǵan maldy satyp alýshylar. Barlyǵy - bir qylmystyq toptyń músheleri. Olar jymysqy áreketin iske asyrý kezinde Almaty qalasyndaǵy jaldamaly páterlerdiń birinde turǵan. Ustalǵandarǵa 37 jylqy qoldy bolǵan 8 urlyqqa qatysy bar degen aıyp taǵyldy. Barymtashylar urlanǵan maldyń kóbin soıyp, etin satyp jibergen. Tekserý barysynda tártip saqshylary barymtashylar alǵan maldyń bir bóligin tirideı taýyp, zańdy ıelerine qaıtardy»,- dep málimdedi Almaty oblysy PD krımınaldyq polısııa basqarmasy bastyǵynyń orynbasary, polısııa podpolkovnıgi Dáýren Sákenov.

Atalǵan derekter boıynsha QR Qylmystyq kodeksiniń 188-babyna sáıkes sotqa deıingi tergeý amaldary júrgizilip jatyr. Top músheleriniń osyǵan uqsas ózge de qylmystarǵa qatysy bar-joǵy tekserilýde.


Ári qaraı oqyńyz: Jańa zań: mal urlyǵyna jaza kúsheımek

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir