Kimniń nesıe tóleý merzimi keıinge shegerilýi múmkin?

Májilis depýtaty Iýrıı Tımoshenko áskerı boryshyn ótep júrgen qazaqstandyqtardyń kredıt tóleý merzimin keıinge shegerý týraly usynys bildirdi.

Depýtattyń aıtýynsha, qazirgi kezde áskerge shaqyrylýshylar arasynda kredıt tóleıtinder kóp. Sondyqtan da olar jaqyndaryna aýyrtpalyq túsirmes úshin áskerge barmaýǵa tyrysyp jatady. Sol sııaqty tólem merzimin shegerýdi suraıtyndar da joq emes dedi.

– Eger shaqyrylýshy áskerge attansa, onda onyń kredıti ata-anasy men týystaryna beriledi. Sondyqtan zańda qaryz ata-analarǵa berilmeýi kerek ekenin nazarda ustaýymyz qajet. Biz áskerı qyzmet kezinde kredıt tóleý merzimin bir jylǵa toqtata turýdy usynamyz, – dep aıtty qorǵanys jáne qaýipsizdik komıtetiniń keńeıtilgen otyrysynda.

Tımoshenkonyń aıtýynsha, nesıeniń bolýy jáne onyń ýaqytyly tólenbeýi nemese onyń týystaryna ótýi Otan aldyndaǵy boryshyn ótep júrgenderdiń psıhoemosıonaldy jaǵdaıyna teris áser etýi múmkin dep eskertti.