• USD 468.56

  • EUR 497.56

  • RUB 7.3

  • CNY 67.18

28 Naýryz, 18:37:12
Almaty
+35°

Almaty oblysynyń polıseıleri esirtki zerthanasyn aýyzdyqtady, dep habarlaıdy Qamshy.kz aqparat agenttigi  Polisia.kz  deregine súıene otyryp.

Esirtki bıznesine qarsy kúres basqarmasynyń qyzmetkerleri jedel tergeý amaldarynyń nátıjesinde Ile aýdanynyń A. esimdi turǵyny esirtki zattaryn shyǵaryp, taratýmen aınalysqanyn anyqtaǵan.

Sondaı-aq jedel-izdestirý is-sharalaryn júrgizý kezinde saraptama aktilerimen belgilengen “marıhýana” esirtki zaty bar 8 sirińke qoraby tárkilendi. Atalǵan derek sotqa deıingi tergep-tekserýdiń biryńǵaı tiziliminde Qylmystyq kodekstiń 297-baby 1-bóligi boıynsha tirkelgen.

"Sanksııalanǵan tintý barysynda Ile aýdanynyń 47 jastaǵy aýyl azamatynyń turǵyn úıiniń ekinshi qabatynan “marıhýana” esirtki zattaryn ósirip, daıyndap, taratatyn zerthana tabyldy. Onyń úıiniń ekinshi qabaty mıkroklımatty qurý maqsatynda kún batareıalarynyń kómegimen qosymsha jylytylǵan. Tintý júrgizý kezinde salmaǵy 26 kg-ǵa jýyq 47 buta, 295 orama jáne salmaǵy 8,5 kılogramm daıyn eki qap “marıhýana” tabyldy jáne tálkilendi. Esirtki ósimdikterin ósirý, asa iri mólsherde daıyndaý jáne saqtaý deregi boıynsha Qylmystyq kodekstiń 300-babynyń 1-bólimi, 296-babynyń 4-bólimi boıynsha qylmystyq is qozǵaldy. Kinásin moıyndap jaýap bergen kúdikti ýaqytsha ustaý oqshaýlaǵyshyna qamaýǵa alyndy”, – dep habarlaıdy Almaty oblysy PD Esirtki bıznesine qarsy kúres basqarmasynyń bastyǵy Qazbek Muhamedov.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir