Izvestııa
Italııada koronavırýs juqtyrǵannan keıin qaıtys bolǵan alǵashqy adam tirkeldi. Bul týraly Rıa habarlaıdy.
Jergilikti BAQ málimetteri boıynsha, Veneto oblysynda 78 jastaǵy er adam vırýstan kóz jumdy. Onymen birge 67 jastaǵy jubaıy da aýrýhanaǵa tústi. Sońǵy ýaqytqa deıin olardan koronavırýs tabylmaǵan, alaıda keıin Veneto prezıdenti Lýka Dzaııa saraptama nátıjesi vırýsty anyqtaǵanyn habarlaǵan.
Bul Eýropadaǵy ekinshi oqıǵa. Buǵan deıin Fransııada qańtardyń ortasynda Hýbeı provınsııasynan kelgen 80 jastaǵy qytaılyq týrıst koronavırýstan kóz jumǵan.
21 aqpanda Italııanyń soltústiginde koronavırýs juqtyrǵandar anyqtalǵan. Lombardııada olardyń sany 15-ke jetti jáne jaqyn ýaqytta taǵy úsheýi aýrýhanaǵa túsken.
Vedomstvonyń málimetinshe, Italııada vırýsty juqtyrǵandardyń jalpy sany 220 adamnan asty. Qazirgi ýaqytta Italııa koronavırýsty juqtyrý boıynsha álemde Qytaı men Ońtústik Koreıadan keıin 3-orynda.
Italııa bıligi bul ınfeksııanyń qaıdan shyqqanyn áli bilmeıdi. Jaqynda Qytaıǵa baryp, Italııada «nóldik pasıent» bolyp sanalǵan er adamnyń mysaldary teris nátıje berdi.
Sońǵy derekterge súıensek, Iranda 61 adam vırýsty juqtyrdy degen kúdikte tur, onyń 12-si qaıtys boldy. Al, Ońtústik Koreıada 803 adam vırýs juqtyryp, 7 adam ınfeksııanyń qurbany bolǵany málimdeldi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir