Iranda jer silkinip, 70-ten astam adam zardap shekti

Irannyń soltústik-batysyndaǵy Hoı qalasynda jer silkinisi bolyp, 70-ten astam adam zardap shekti.   Bul týraly IRNA aqparat agenttigi habarlady.

Agenttiktiń málimetinshe, 5,7 magnıtýdaly jer silkinisi Iran men Túrkııa arasyndaǵy shekaralyq aımaqta, Gotýr aýdanyna jaqyn mańda bolǵan. Jerasty dúmpýi UTC ýaqytymen 05:52-de tirkeldi. Epısentri Irannyń Tebrız qalasynan batysqa qaraı 141 shaqyrym qashyqtyqta jáne Túrkııanyń Ozalp qalasynan ońtústik-shyǵysqa qaraı 71 shaqyrym qashyqtyqta ornalasqan. Tereńdigi – bes shaqyrym. Irandaǵy zilzaladan barlyǵy 70-ten astam adam zardap shekti.

Iranda bolǵan jer silkinisinen Túrkııanyń Van provınsııasynda Túrkııanyń 9 azamaty mert bolyp, 37-si jaraqat aldy. Toǵyz adam aýyr halde jatyr.