24 Aqpan, 2020 Saıasat

Qazaqstanda eńbek mıgranttarynyń 28 paıyzy Qytaı azamaty

Sońǵy málimetter boıynsha, jergilikti atqarýshy organdardyń ruqsatymen el aýmaǵynda 19 137 sheteldik azamat qyzmet atqaryp júr. Onyń ishinde 5 myńnan astam sheteldik basshylyq qyzmette.

tengrinews.kz

 
Bul týraly Qamshy.kz aqparat agenttigi Eńbek jáne halyqty áleýmettik qorǵaý mınıstrliginiń baspasóz qyzmeti deregine súıene otyryp habarlaıdy.
 
«Olardyń ishinde birinshi sanat boıynsha (basshylar jáne olardyń orynbasarlary) - 753 adam (4%), ekinshi sanat boıynsha (qurylymdyq bólimshelerdiń basshylary) - 4 364 (23%), úshinshi sanat boıynsha (mamandar) – 9 613 (50%), tórtinshi sanat boıynsha (bilikti jumysshylar) – 1 749 (9%), maýsymdyq jumystarda – 926 (5%), korporatıvtik aýysym sheńberinde 1 732 adam (9%) tartyldy. Sheteldik jumys kúshin tartqan jumys berýshilerdiń sany – 2 021, olarda 479 342 qazaqstandyq azamat jumys isteıdi, bul qyzmetkerlerdiń jalpy sanynyń 96%-yn quraıdy», - delingen habarlamada.

Budan bólek, vedomstvo taratqan aqparatta mıgranttardyń kóbi eńbek etip júrgen qyzmet túri de atalǵan. Máselen, sheteldikterdiń basym bóligi qurylys salasynda – 8 582 adam (45%), taý-ken ónerkásibinde 2 228 adam (12%), óńdeý ónerkásibinde – 1 586 (8%),

Sondaı-aq, kásibı, ǵylymı jáne tehnıkalyq qyzmette 1 397 sheteldik (7%) qyzmet etedi.

Sonyń ishinde eńbek mıgranttarynyń 28 paıyzy Qytaı azamaty. Iаǵnı, 5 266 adamǵa jetip otyr. Al qalǵan bóligi Túrkııa – 1 935 (10%), Úndistan – 1 896 (10%), Ulybrıtanııa – 1 434 (8%), О́zbekstan – 965 (5%) elderinen ekeni aıtylǵan.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir