Zaısandaǵy narazylyq: Danıal Ahmetov aýdan ákimin aýystyrdy  

• Serik Zaınýldın 1964 jylǵy 25 aqpanda Zaısan aýdanynyń Zaısan qalasynda týǵan. 1981 jyly Aınabulaq orta mektebin támamdady.
• 1981-1986 jyldary – Semeı zooveterınarlyq ınstıtýty zootehnıkalyq fakýltetiniń stýdenti.
• 1986-1991 jyldary Zaısan aýdanyndaǵy «Aınabulaq» keńsharynda bas zootehnık bolyp jumys istedi.
• 1991-1993 jyldary – «Aınabulaq» keńsharynyń dırektory, 1997 jylǵa deıin - aýdandyq aýylsharýashylyq basqarmasynyń bastyǵy;
• 1997-2004 jyldary Serik Zınabekuly Zaısan aýdany ákiminiń aýyl sharýashylyǵy, qurylys jáne turǵyn úı-kommýnaldy sharýashylyq máselelerine basshylyq etetin orynbasary;
• 2004-2005 jyldary Zaısan aýdany ákiminiń mindetin atqarýshy qyzmetinde boldy.
• 2007-2010 jyldary Katonqaraǵaı aýdanynyń ákimi;
• 2010 – 2013 jyldary Zaısan aýdanynyń ákimi qyzmetterin atqardy.
• 2013 jyldyń 28 maýsymynan beri Úrjar aýdanynyń ákimi qyzmetin atqaryp kelgen.

Eske sala keteıik, 19 aqpanda Shyǵys Qazaqstan oblysynyń Zaısan aýdanyna qarasty Saryterek jáne Aınabulaq aýylynyń turǵyndary aýyl ambýlatorııasynyń aldyna jınalyp, narazylyq bildirdi. Olar áleýmettik jelilerde taraǵan «Zaısan aýdanynda bir top adam koronavırýs juqtyrdy. Qytaımen shekarada ınfeksııa juqtyrǵan adamdardy aýyl ambýlatorııasynda emdeý úshin alyp keledi» degen aqparatty estip jınalǵan.