QazUÝ – sheteldik qazaq jastaryna armanyn júzege asyrýǵa jol ashatyn biregeı oqý orny

Bizdiń ýnıversıtet úshin aǵymdaǵy oqý jyly óte tabysty boldy: ál-Farabı atyndaǵy QazUÝ álemniń eń úzdik 207 ýnıversıtetterdiń qataryna endi. «Tórt juldyz» ústemdik belgisine ıe bolǵan QazUÝ – Qazaqstan men Orta Azııa elderiniń ishinde jáne álemdegi bar Túrki elderi akademııasynyń eń úzdik oqý orny. Ál-Farabı atyndaǵy QazUÝ 2020 jylǵa deıin BUU «Akademııalyq yqpal» baǵdarlamasynyń ǵalamdyq habyna jetekshilik etetin boldy. Bul sheshim bizdiń ýnıversıtettiń turaqty damý salasyndaǵy  basshylyq qyzmetiniń tabystary men nátıjesiniń negizinde qabyldandy. Sheteldik qandastarǵa, qazaq jastaryna atamekenge oralyp, ana tilinde bilim alyp, alǵa qoıǵan maqsattaryńyzdy júzege asyrǵysy kelgen, QazUÝ-dy tańdasa úlken múmkindikke ıe bolady. Qazaqtyń qara shańyraǵy atanǵan QazUÝ – josparlaryn oryndalýyna múmkindik beretin, úlken tabystarǵa bastaıtyn, jarqyn bolashaqqa jol ashatyn biregeı oqý ordasy.

Bizdiń ýnıversıtet, kafedra týraly tolyq aqparatty QazUÝ-dyń saıtynan htpp.www.kaznu.kz jáne saıttaǵy baılanys telefondary boıynsha bile alady.

Ál-Farabı atyndaǵy Qazaq ulttyq ýnıversıtetiniń Ǵylymı Keńesiniń 27.02.2009 jylǵy № 4 sheshimimen 10.02.2009 jylǵy rektordyń № 20 buıryǵyna sáıkes kafedra óz jumysyn jańa baǵytta bastady. Kafedrada oqý-ádistemelik bıýro jáne edvaızerlik keńes jumys isteıdi. Negizgi maqsat – keshendi testileýge daıyndaý. Oqý úderisinde Z negizgi pán: oqý saýattylyǵy, Qazaqstan tarıhy, matematıka jáne tyńdaýshylardyń tańdaǵan mamandyqtaryna sáıkes fızıka, hımııa, bıologııa, geografııa, jalpy tarıh, qazaq ádebıeti pánderi oqytylady.

2001 jyldan beri shet elderdegi qazaq dıasporasy ókilderin Qazaqstan Respýblıkasynyń joǵary oqý oryndaryna túsýge daıyndap, olardy áleýmettik ortaǵa beıimdeý máselesin júzege asyryp kelgen kafedra ujymy 2010 jyldan bastap Prezıdent N.Nazarbaevtyń bastamasymen Qazaqstan jáne Aýǵanstan Respýblıkasynyń bilim berý salasyndaǵy ózara yntymaqtastyq týraly kelisim negizinde AIR tyńdaýshylaryna da memlekettik baǵdarlama boıynsha bilim berýde.

Bizdiń ýnıversıtette ortalyqtandyrylǵan biregeı qyzmet kórsetý «Keremet» ortalyǵy bar. «Keremette» oqý-óndiristik úderiske jáne stýdenttik kezeńdegi ýaqytsha tirkeýge, qajetti medısınalyq kómek pen tekserilýge qatysty barlyq qujattardy resimdeı alasyzdar.

Ál-Farabı atyndaǵy QazUÝ ustazdary Naralıeva R.T., Begalıeva A.K.