Arbadaǵy belsendi: Dıktator basqaratyn elde ómir súrgim kelmeıdi (vıdeo)

Sheteldegi oppozısıoner, Qazaqstanda "ekstremıstik uıym" dep tanylǵan "Qazaqstannyń demokratııalyq tańdaýy" qozǵalysynyń jetekshisi Muhtar Áblıazov úndeýi boıynsha uıymdastyrylǵan mıtıngige qatysqan  Erik Jumabaev atty azamat múgedekterge arnalǵan arbaǵa tanylǵanyna qaramastan Oral qalasynan arnaıy kelgenin aıtty.

– Men bıliktiń tolyǵymen aýysqanyn qalaımyn. Dıktatorlyq elde ómir súrgim kelmeıdi. Nazarbaev – halyq jaýy. Ol tipti múgedekter men kópbalaly analardy qýdalaıdy. Ol – dıktator. Biz osyndaı baı elde kedeı ómir súrmeýimiz kerek. Ol bizden sóz bostandyǵynan bastap, pikir bildirý quqyǵyna deıin bárin urlap aldy. Tipti jýrnalısterdi de qýdalaıdy, – dedi oraldyq azamat.

Múgedek azamattyń aıtýynsha, "Astana" alańyna barǵan kezde onyń jeke kútýshisin polısııa ustap alyp ketip, ózi qalaı qaıtaryn bilmeı otyr. Artynsha, ony da arnaıy jasaq ókilderi arbasymen birge kóterip, jedel járdem kóligine otyrǵyzyp, alyp ketkeni belgili boldy.